skol
startimes

Ndagisha inama: Dukundanye imyaka myinshi ariko akomeje kwanga ko tubana, Ese ubu nkomeze mutegereze?

Ubuzima   Yanditswe na: Dusingizimana Remy 18 June 2020 Yasuwe: 2663

Umukunzi wacu utuye i Kigali yatwandikiye asaba ko abakunzi bacu bamugira inama y’icyo yakora mu rukundo arimo kuko we yabuze umwanzuro.


Yateruye agira ati: “Igihe nari mfite imyaka 29 nakundanye n’umusore ufite imyaka 35, ubu tukaba tumaranye imyaka itanu, ku buryo ubu maze kugira imyaka 34, we akaba amaze kugira imyaka 40. Nubwo amaze gukura nanjye nkaba mbona maze kurengerana, uwo mukunzi wanjye ambwira ko ankunda ariko akanga ko dushyingiranwa ngo nta bushobozi buhagije afite ku buryo twakora ubukwe takabana nkuko abishaka.

Gusa ahora ambwira ko ategereje kubona akazi keza kandi gahemba neza hanyuma akanubaka inzu ye hanyuma tukabona kubana, kandi n’ukuri pe ndamukunda ku buryo numva ntamureka kandi nanjye nta kazi mfite katubeshaho twembi, gusa we yinjiza amafaranga ariko ambwira ko akazi akora katamushimishije ku buryo kabasha kudutunga twembi kuko ngo ntashaka ko tuzabana dukennye.

Maze guhakanira abasore benshi bansaba ko tubana nkababwira ko ntegereje uwo tumaranye imyaka myinshi dukundana, ubu muri karitsiye ntuyemo nta musore ukinsaba kubana kuko bose bamenye ko mfite uwo ntegereje.

Gusa mu minsi ishize nabiganiriyeho n’inshuti yange y’umukobwa, nuko arambwira ati” ese ko ubona umaze kugira imyaka 34 nta mugabo ufite aho ntuzagumirwa ukabura umugabo burundu kuko uzaba umaze gusaza, arambwira ati ese ubundi wamuretse ukishakira umugabo ufite gahunda ku buryo muzahita mubana?

Nabitekerejeho nanjye nsanga koko maze gukura, ntangira kwibaza nti ese ubu aramutse anyanze n’imyaka mfite ubu naba uwande? Ariko nkumva nakomeza kumutegereza! Ariko na none nkibaza nti ko atarabona akazi yifuza ngo tubane kandi akaba ambwira ko ankunda kandi ko ashaka ko tuzabana igihe azaba amaze kugira akazi keza no kubaka inzu ye, ariko kugeza ubu nkaba mbona bikiri kure nyamara njye nkomeza gukura aho none yazampemukira agashaka undi naba uwa nde?

Mumbabarire mungire inama y’icyo nakora kuko ndamukunda cyane ku buryo numva namutegereza ariko nanone natekereza imyaka maze kugira nkumva bimbanye urujijo, nakwibuka ko yambwiye ko natabona akazi keza ngo yubake n’inzu ye atazandongora nkumva mbuze icyo nkora n’icyo ndeka.

Ese ubwo nihangane nkomeze mutegereze? Ese nzamutegereze kugeza ryari? Aho ubwo sinzaba nka Mukamusoni njya numva ngo yategereje umukunzi we ko azaza amaso agahera mu kirere, bikamuviramo kugumirwa, akabura umugabo kuko yari amaze gusaza ntawukimwitayeho kandi akiri inkumi yarabenze benshi?

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble keza

    Nanjye byambayeho. Naramuretse nishakira undi. Hitamo umwe mubasore baguterita uwo umureka

    1 month ago

Inzindi nkuru

Hari igihe cyageze nkumva nasunika Barack Obama mu idirishya-Michelle...

Umufasha wa Barack Obama wabaye perezida wa 44 wa USA yavuze ko urushako...
7 September 2020 Yasuwe: 10325 0

Meya wa Rutsiro yaterewe ivi n’umukunzi we banasezerana mu Murenge...

Umuyobozi w’akarere ka Rutsiro mu Ntara y’Iburengerazuba, Ayinkamiye...
6 September 2020 Yasuwe: 9377 1

Umugore yiyahuranye n’umwana we nyuma y’iminsi mike atandukanye n’umusore...

Umugore w’imyaka 17 witwa Kia Russell w’imyaka 19 n’umwana we witwa Kamari...
2 September 2020 Yasuwe: 4832 1

Huye: Meya Sebutege yasezeranyije ba bageni gitifu wa Mbazi yanze...

Kuri uyu wa 28 Kanama 2020,Umuyobozi w’Akarere ka Huye, Sebutege Ange,...
28 August 2020 Yasuwe: 5001 0

Umugore ukomoka muri Uganda yasanzwe mu nzu yari acumbitsemo muri Ecosse...

Umunya Ugandakazi witwa Mercy Baguma wari impunzi mu gihugu cya Ecosse...
26 August 2020 Yasuwe: 8001 1

Reba ibyagufasha kumenya uko wakwihanganira kubabazwa n’umukunzi...

Mu rukundo habamo ibintu bitandukanye byaba ibyiza ariko rimwe na rimwe ngo...
25 August 2020 Yasuwe: 2915 0