Apotre Masasu yahanganye n’umudayimoni wari ufite umugambi mubisha wo kwica ubukwe bw’umukobwa usengera mu itorero rye

Ubuzima   Yanditswe na: Martin Munezero 29 August 2019 Yasuwe: 4929

Ndagijimana Joshua Masasu, mu minsi ishize yahanganye n’umudayimoni wari ufite umugambi mubisha wo kwica ubukwe bw’umukobwa usengera mu itorero rye.



Umuyobozi w’itorero Evangelical Restauration Church mu Rwanda Ndagijimana Joshua Masasu Yavuze uko umwaka ushize yahanuye ubukwe bw’umukobwa we, Deborah Masasu, none ubuhanuzi bukaba bugiye gusohora.

Ibi Apotre Ndagijimana Masasu yabigarutseho ku Cyumweru mu materaniro yigishagamo ijambo ry’Imana ku Kicaro cya Restauration Church i Masoro mu Mujyi wa Kigali.

Ubwo uyu mukozi w’Imana uri mu bakomeye mu Rwanda kubera inyigisho ze n’ibikorwa bya gihanuzi yagiye yumvikanamo, yabikomojeho ubwo yarimo yigisha ijambo ry’Imana mu nyigisho zibandaga ku muryango.

Apotre Masasu umenyerewe ku dushya dutandukanye mu gihe ari kwigisha ijambo ry’Imana, yahishuye uburyo aherutse kubohoza umukobwa we (kubera ko asengera mu itorero rye) wari warinjiriwe n’umudayimoni wari ufite umugambi mubisha wo kwica ubukwe bwe buri mu minsi ya vuba.

Apotre Masasu ubwo yatahuraga uwo mudayimoni wari warinjiriye uwo mukobwa, ngo yateranye amagambo nawo (umudayimoni), barahangana bikomeye biza kurangira umugambo wawo upfubye kubera Imana.

Yagize ati “Ejo bundi ku wa Gatanunu Saa yine n’igice, umwe mu bakobwa banjye ahangaha ufite ubukwe mu minsi iri imbere yaraje, icyo gihe nari nakiriye anantu benshi, abwira uwari umfashije ko ashaka kumpobera. Ubwo atatindaga ndabimwemerera arinjira arampobera, mu munota ukurikiye avuza induru murekuye mbona umwanzi yamuteye.”

Kuva ubwo Masasu yahise atangira gucyaha uwo mudayimoni, baterana amagambo ku buryo bukomeye. Dore uko bateranye amagambo.

Yagize ati “Nahise mbaza umurimo, ni uko arampindukirana arambwira ati ‘ Masasu, uyu mukobwa ni uwanjye, naramucyuye, igituma nahagurutse sinshaka ko yubaka. Nanjye ndamubwira nti ‘ni uwanjye azubaka’.”

Yunzemo ati “Tujya mu mpaka arambwira ngo yateye nyirabukwe w’umukobwa kugira ngo amwange, yange ubukwe! Nanjye ndamubwira ngo bamaze kuberekana mu rusengero. Arambwira ngo sindi njyenyine ndi kumwe na papa (Sekuru w’umukobwa), maze nanjye ndamubwira nti sindi njyenyine, ndi kumwe n’umwuka Wera, ndi kumwe na Yesu.”

Uwo mudayimoni yakomeje abwira Apotre Masasu ko agiye kwica umukobwa ati “Arambwira ngo aho kugira yubake ndamwica. Nanjye ndamubwira ngo ntabyo ukora. Arongera ngo naramubyaye (Uwo mudayimoni yari Se), nanjye nti namubyaye mu mwuka, ndakomeye kukurusha.

Arambwira ngo natamwica arica Fiance we. Kuko Fiance we ari umusirikare, arambwira ngo azamukoresha gutunganya imbunda ye yirase. Ndamubwira nti ntabwo bazapfa nzabashyingira.”

Ngo bakomeje guterana amagambo, maze Masasu aramwitegereza aramucyaha mu ijwi riranguruye umukobwa yikubita hasi arabohoka umudayimoni atsindwa atyo maze amuvamo arahunga.

Apotre Masasu yakomeje ashimangira ko abakirisitu by’umwihariko abo mu itorero rye bari mu bihe byiza by’Imana aho igiye kubigaragariza.

Yakomeje avuga ku buhanuzi bw’ubukwe bw’umukobwa we w’imfura Uwamahoro Deborah Masasu, yahanuye umwaka ushize, aho yavugaga itariki n’ukwezi azashyingirirwaho mu gihe nta n’umukunzi yari afite.

Uwamahoro Deborah Masasu umukobwa w’imfura wa Apotre Joshua Masasu na Pastor Lydia Masasu uherutse gukorerwa ibirori bya Bridal Shower, azasezerana n’umukunzi we Musafiri Thacien imbere y’Imana n’imiryango ku wa 7 Nzeri 2019 mu birori bizabera muri Intare Conference Arena.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble Jojo

    Siyasa ziragwira.

    2 months ago
  • chat_bubble hitimana

    Abantu bage bitondera abavuga ko bahanura.Ni gute umuntu yavuga ko Imana yamweretse ko umukobwa we azarongorwa?Ubwo se bitaniye he na kwa kundi umupfumu akubwira ngo yabonye ugiye kurongora?None se ubundi uba utazarongora cyangwa ngo urongorwe?Byose biba ari "amaco y’inda" kugirango bakwemere bajye baguha amafaranga.Muribuka Gitwaza wavuze ngo Imana yamweretse ko u Burundi bugiye kuba Dubai ya Africa.Nyamara ubukene bubageze kure.Cyangwa ngo Imana yamweretse ko umuhungu we witwa DAVID uba muli Amerika azaba president w’America.
    Imana idusaba kwima amatwi bene ubu buhanuzi.Muribuka wa Pastor wajyaga kubwira president Kagame ngo Imana yamumutumyeho.Nkuko president yabyivugiye kuli Radio Rwanda,yabajije uwo Pastor ati:"Kuki iyo mana yawe atari jyewe yibwirira?". Pastor yaramwawe arataha !!!

    2 months ago

Inzindi nkuru

Waba wifuza guhindurirwa ubuzima urimo ubu? Kurikirana urugero rwa...

Eliya na Elisa basezerana, 1 Abami 19:19-21 : 19 Ni uko avayo, aragenda...
19 November 2019 Yasuwe: 718 0

"Ntuteshwe umutwe n’isengesho wasenze ejo ngo ni uko ubona ritinze...

"Ariko rero asabe yizeye ari nta cyo ashidikanya, kuko ushidikanya ameze...
14 November 2019 Yasuwe: 797 0

Pasiteri yatunguye abakirisitu azana mu rusengero igitwe cy’ingurube...

Umupasiteri wo mu gihugu cya Nigeria yakoze agashya azana mu rusengero...
7 November 2019 Yasuwe: 6812 1

Umwana wa Young Grace yakiriwe n’Intumwa y’Imana Sultan amurambikaho ibiganza...

Umwana w’ imfura ya Young Grace yakiriwe n’Intumwa y’Imana Sultan Eric,...
30 October 2019 Yasuwe: 2453 2

RIB yataye muri yombi Umuvugizi Wungirije wa ADEPR

Umuvugizi Wungirije wa ADEPR, Rev. Karangwa John, yatawe muri yombi n’Urwego...
27 October 2019 Yasuwe: 4761 2

Kinazi:Batatu mu bakirisitu basengaga bakubiswe n’inkuba

Abakirisitu bo mu itorero rya EAR i Kinazi paruwasi ya Rusatira riherereye...
22 October 2019 Yasuwe: 2878 0