startimes

Imbogamizi Albert Nabonibo umuhanzi uririmba indirimbo zo guhimbaza Imana amaze guhura nazo nyuma yo gutangariza mu ruhame ko ibyiyumviro bye ari uwo bahuje igitsina

Ubuzima   Yanditswe na: Martin Munezero 25 September 2019 Yasuwe: 2204

Albert Nabonibo, Umuhanzi uririmba indirimbo ziramya n’izihimbaza Imana avuga ko yahuye n’imbogamizi nyinshi nyuma y’aho atangarije mu ruhame ko ibyiyumviro bye ari abantu bahuje igitsina harimo gutukwa no kweguzwa ku kazi.



Mu kiganiro yagiranye n’ikigo cy’Ibiro Ntaramakuru by’Abongereza (Reuters) cyitwa Thomson Reuters Foundation, Nabonibo yavuze ko atitaye ku bantu barimo inshuti ze, abakunda ibihangano bye barimo n’abo ku mbuga nkoranyambaga, bose bamututse.

Avuga ko byose yabikoze mu buryo bwo kwimakaza ukuri, akaba ashishikariza n’abandi kutabaho mu binyoma.

” Ndabizi bamwe mu bafana banjye bazagenda ariko ntabwo nzacika intege. Nzi neza kandi ko hari abazaguma mu ruhande rwanjye. Intego yanjye ni ukuvugisha ukuri.” Albert Nabonibo mu nkuru ya Reuters.

Nabonibo yabwiye Reuters ko kuva yatangariza mu ruhame ko ibyiyumviro bye ari uwo bahuje igitsina, hari inshuti ze zahagaritse kongera kuvugana nawe, abo mu muryango we bamubaza impamvu yishyize ku karubanda. Aho yakoraga ho ngo baramwirukanye, bamubwira ko atujuje ibisabwa umukozi w’umwuga.

Mu Rwanda nta tegeko rihana umuntu wemera cyangwa se uryamana n’uwo bahuje igitsina. Ingaruka zabyo ahubwo ziboneka mu matorero, aho bahitamo guhagarika umuyoboke; ntazongere kugaragara mu bikorwa byayo. Ikindi ni ugutakaza inshuti n’akazi bitewe no kunanirwa kwakira uko uwo muntu yavutse nk’uko byagenze kuri uyu muhanzi.

Olivier Nduhungirehe, Umunyamabanga muri Minisiteri y’Ububanyi n’Amahanga yavuze ko uburenganzira bwa Nabonibo no kwishyira ukizana bigomba kubahirizwa, bityo azarindirwa umutekano.

Yakuriye mu karere ka Gicumbi mu Ntara y’Amajyaruguru, asengera mu itorero rya Pentekote (ADEPR). Avuga ko muri iri torero bamwanga cyangwa bamwemera, hari abandi bameze nkawe.

” Itorero rizanyemera cyangwa ribireke ariko icyo nzi neza ni uko mu rusengero harimo abafite imigirire nk’iyange (ibyiyumviro by’umugabo ku mugabo).” Nabonibo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble

    Uyu we ibyo akora ni akazi ke,ariko ntakajye asebya Imana ngo aririmba indirimbo zihimbaza Imana,ahubwo azajye avuga ko aririmba izihimbaza satani.

    September 2019

Inzindi nkuru

Saudi Arabia yabujije abanyamahanga kuzajyayo mu mutambagiro...

Igihugu cya Arabia Saoudite cyategetse ko uyu mwaka nta banyamahanga...
23 June 2020 Yasuwe: 222 0

Ihuriro ry’amadini n’amatorero mu Rwanda ryashyize hanze amabwiriza akarishye...

Abayobozi b’lbihuriro ry’impuzamiryango y’Amadini, Amatorero na Kiliziya...
11 June 2020 Yasuwe: 3937 4

Burundi: Ndayishimiye uherutse gutsinda amatora yabyukiye mu kiliziya...

Kuri iki cyumweru,Ndayishimiye Evariste uherutse gutorerwa kuyobora...
7 June 2020 Yasuwe: 9384 0

Kiliziya Gatolika yatangaje ko yaciye Itsinda ry’Intwarane rigizwe...

Ubuyobozi bwa Kiliziya Gatolika,bwashyize hanze itangazo rivuga ko...
30 May 2020 Yasuwe: 2289 1

Nkusi Thomas wamenyekanye mu Gasobanuye nka Yanga yahishuye ukuntu Imana...

Icyamamare mu gusobanura Filimi mu Kinyarwanda Nkusi Thomas uzwi nka Yanga...
21 May 2020 Yasuwe: 12384 2

IJAMBO RY’UMUNSI: IMPANO NEMI YEGENEYE ABAMAMA-Rev.Nibintije

Nshuti zanjye, Nshuti zanjye z’ Abamama mwakire impano ( GIFT) yanyu...
11 May 2020 Yasuwe: 699 0