startimes

RIB yataye muri yombi Umuvugizi Wungirije wa ADEPR

Ubuzima   Yanditswe na: Dusingizimana Remy 27 October 2019 Yasuwe: 5984

Umuvugizi Wungirije wa ADEPR, Rev. Karangwa John, yatawe muri yombi n’Urwego rw’Igihugu rw’Ubugenzacyaha (RIB) aho akurikiranyweho gukoresha inyandiko mpimbano.



Umuvugizi wa RIB, Umuhoza Marie Michelle, yabwiye IGIHE dukesha iyi nkuru ko amakuru y’ifungwa rya Rev. Karangwa ari impamo ndetse afungiye kuri Sitasiyo ya Kicukiro.

Yagize ati “Hari amakuru avuga ko yaba akekwaho guhimba no gukoresha inyandiko mpimbano.Iperereza riracyakorwa, andi makuru azagenda atangazwa.’’

Muri Gicurasi uyu mwaka, nibwo itsinda rya bamwe mu bakirisitu bo mu Itorero ADEPR basabye ko ubuyobozi bwaryo bweguzwa ku mpamvu z’ibibazo byavugwaga mu itorero.

Muri iyo nyandiko hari aho bakomoje ku kibazo cya Kaminuza ya Tewolojiya ya FATEC aho Umuvugizi wa ADEPR akoresha diplôme itemewe mu Rwanda mu gihe Umuvugizi wungirije ngo akoresha iy’impimbano.

Rev. Karangwa yatorewe kuba Umuvugizi wungirije wa ADEPR Ushinzwe Ubuzima bw’Itorero nyuma y’igihe yari amaze ayobora Ishami ry’iri torero muri Uganda.

Igitabo cy’amategeko ahana ibyaha mu Rwanda mu ngingo yacyo ya 276 giteganya ko umuntu wese uhimba cyangwa uhindura mu buryo ubwo ari bwo bwose inyandiko cyangwa ikindi kintu cyanditseho igitekerezo, ashyiraho umukono cyangwa igikumwe bitari byo, yonona inyandiko cyangwa imikono, asimbuza abantu abandi, ahimba amasezerano, imiterere y’ingingo zayo, igitegetswe gukorwa cyangwa icyarangije kwemeranywa, aba akoze icyaha.

Umuntu wese, ku bw’uburiganya, wandika, wandikisha ibintu bidahuye n’ukuri cyangwa ukora imenyekanisha ritari ryo afatwa nk’uwakoze icyaha cyo gukora ibihimbano.

Iyo abihamijwe n’urukiko, ahanishwa igifungo kitari munsi y’imyaka itanu ariko kitarenze imyaka irindwi n’ihazabu y’amafaranga y’u Rwanda atari munsi ya miliyoni 3 Frw ariko atarenga miliyoni 5 Frw cyangwa kimwe gusa muri ibyo bihano.

Umuntu wese uzi ko inyandiko ari impimbano, akayikoresha ku buryo ubwo ari bwo bwose, aba akoze icyaha. Iyo abihamijwe n’urukiko, ahanishwa ibihano biteganyijwe mu gika cya 3 cy’iyi ngingo. Iyo guhimba byakozwe n’umukozi wa Leta mu murimo ashinzwe cyangwa n’undi ushinzwe umurimo w’igihugu, igihano kiba igifungo kitari munsi y’imyaka irindwi ariko kitarenze imyaka icumi n’ihazabu y’amafaranga y’u Rwanda atari munsi ya miliyoni 2 Frw ariko atarenze miliyoni 3 Frw cyangwa kimwe gusa muri ibyo bihano.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble sezikeye

    Ariko se iyi ADEPR ko ihora ivugwa nabi kandi yo ivuga ngo "yuzuye umwuka"??Muribuka ko baherutse gufunga abakuru bayo bose bo mu rwego rw’igihugu,babarega kunyereza amafaranga 2.5 billions/milliards Frw.Kandi kuva na kera,ADEPR,ishinjwa ibintu byinshi harimo kuronda amoko,gupfa amafaranga,gutonesha,kwivanga muli politike,etc...Muribuka igihe yayoborwaga na Pastor Sembeba ko nabwo byari bimeze nabi.Muribuka ukuntu abavugizi bayo benshi bagiye bavaho nabi.Niba koko ADEPR ishaka kuba idini y’imana,nihinduke yere imbuto nziza.

    October 2019
  • chat_bubble Kayitesi

    Mbega mbega, Uwo mukozi w’Imana yasimbutse kenshi nawe arabizi ariko uyu munsi bwo ntarusimbuka. uhububa abonwa abonwa n’uhagaze koko

    October 2019

Inzindi nkuru

Saudi Arabia yabujije abanyamahanga kuzajyayo mu mutambagiro...

Igihugu cya Arabia Saoudite cyategetse ko uyu mwaka nta banyamahanga...
23 June 2020 Yasuwe: 217 0

Ihuriro ry’amadini n’amatorero mu Rwanda ryashyize hanze amabwiriza akarishye...

Abayobozi b’lbihuriro ry’impuzamiryango y’Amadini, Amatorero na Kiliziya...
11 June 2020 Yasuwe: 3840 4

Burundi: Ndayishimiye uherutse gutsinda amatora yabyukiye mu kiliziya...

Kuri iki cyumweru,Ndayishimiye Evariste uherutse gutorerwa kuyobora...
7 June 2020 Yasuwe: 9375 0

Kiliziya Gatolika yatangaje ko yaciye Itsinda ry’Intwarane rigizwe...

Ubuyobozi bwa Kiliziya Gatolika,bwashyize hanze itangazo rivuga ko...
30 May 2020 Yasuwe: 2270 1

Nkusi Thomas wamenyekanye mu Gasobanuye nka Yanga yahishuye ukuntu Imana...

Icyamamare mu gusobanura Filimi mu Kinyarwanda Nkusi Thomas uzwi nka Yanga...
21 May 2020 Yasuwe: 12362 2

IJAMBO RY’UMUNSI: IMPANO NEMI YEGENEYE ABAMAMA-Rev.Nibintije

Nshuti zanjye, Nshuti zanjye z’ Abamama mwakire impano ( GIFT) yanyu...
11 May 2020 Yasuwe: 699 0