skol
Kigali
startimes

Abakozi ba UN bahagaritswe bazira gufatwa amashusho bari gusambanira mu modoka

Ubuzima   Yanditswe na: Dusingizimana Remy 3 July 2020 Yasuwe: 5141

Umuryango w’abibumbye (ONU/UN) washyize mu kiruhuko kidahemberwa abakozi bawo babiri kubera ibirego by’imyitwarire mibi mu bijyanye n’imibonano mpuzabitsina mu modoka y’akazi muri Israel.


Abo bagabo bafashwe amashusho bari mu modoka iriho ikirango cya ONU mu muhanda mukuru wo mu murwa mukuru Tel Aviv, ku gice cyawo giherereye hafi yo ku nyanja.

Muri iyo videwo, umugore wambaye ikanzu itukura agaragara atandukanyije amaguru ku mugabo wicaye mu mwanya w’inyuma w’imodoka.

ONU yatangije iperereza kuri iyo videwo y’amasegonda 18 nyuma yaho ihererekanyijwe cyane ku mbuga nkoranyambaga mu kwezi gushize.

Stéphane Dujarric, umuvugizi w’umunyamabanga mukuru wa ONU, yavuze ko "yaguye mu kantu kandi yababajwe" n’iyo videwo.

Ubu, ONU ivuga ko abo bagabo bari muri iyo videwo umwirondoro wabo wamenyekanye.

Bakaba ari abakozi ba ONU bo mu ishami rigenzura iyubahirizwa ry’amasezerano y’agahenge, rizwi nka UNTSO mu mpine, rigizwe n’abagenzuzi ba gisirikare bakorera muri Israel.

Abo bakozi babiri bahagaritswe ku kazi badahembwa kugeza iperereza ku byabaye rirangiye.

Bwana Dujarric ejo ku wa kane yabwiye BBC ko uko guhagarikwa kwabo bikwiye "kubera ubukana bw’ibirego byo kunanirwa gukurikiza amabwiriza y’imyitwarire aba yitezwe ku bakozi bakorera mu mahanga".

Ati: "[Ishami] UNTSO yongeye gukora gahunda ikomeye y’ubukangurambaga mu kwibutsa abakozi bayo inshingano zabo zijyanye n’imyitwarire y’abakozi ba UN".

ONU ifite amategeko akaze areba abakozi bayo ajyanye n’imyitwarire ku mibonano mpuzabitsina.

Abakozi bashobora gufatirwa ingamba zijyanye n’imyitwarire iyo bigaragaye ko bayarenzeho.

Bashobora gukurwa mu gihugu bari baroherejwemo gukora akazi cyangwa bakirukwanwa mu bikorwa bya ONU byo kubungabunga amahoro.

Ariko igihugu cyabo ni cyo gifite inshingano yo kugira izindi ngamba kibafatira cyangwa kikabarega mu nkiko.

ONU imaze igihe ihozwaho ijisho kubera ibirego by’imyitwarire mibi mu bijyanye n’imibonano mpuzabitsina kuri bamwe mu bakozi bayo bo mu bikorwa byo kubungabunga amahoro n’abandi.

Mu myaka ya vuba ishize, ibyo birego byagarutsweho kenshi.

Mu mwaka wa 2019, hari ibirego 175 by’ihohoterwa mu mibonano mpuzabitsina bishinjwa abakozi ba ONU, nkuko icyegeranyo kibivuga.

Muri ibyo birego, 16 byari bifite gihamya, 15 nta gihamya byari bifite naho ibindi byose bisigaye byari bigikorwaho iperereza.

António Guterres, umunyamabanga mukuru wa ONU, yijeje ko uyu muryango ufite ingamba yo "kutihanganira na busa" imyitwarire mibi mu bijyanye n’imibonano mpuzabitsina ku bakozi bawo.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umugore yakubise itafari mu myanya y’ibanga y’umugabo we bimuviramo...

Umugabo w’imyaka 37 witwa Julius Mwila ukomoka ahitwa Chitulika mu gihugu...
21 January 2021 Yasuwe: 5754 0

Ruhango: Umuforomo arashinjwa gusambanya umugore wari uje kwivuza

Umuforomo wo mu Karere ka Ruhango yatawe muri yombi n’Urwego rw’Igihugu...
21 January 2021 Yasuwe: 5648 0

Yishe umukunzi we kubera ko atashakaga umwana atwite

Umugabo witwa Wando Cordeiro Vasconcelos yatawe muri yombi azira kwica...
21 January 2021 Yasuwe: 4783 0

Umugore arashinjwa kumena aside ku mugabo we amuziza ko afite igitsina...

Umugore witwa Lucy Njeri wo mu gihugu cya Kenya yaciye ibintu kubera ukuntu...
21 January 2021 Yasuwe: 5753 0

Umugabo yatwikishije umugore we amazi ashyushye amuziza ko yamukanguye ngo...

Umugabo witwa Ali Aye w’imyaka 28 ukomoka mu gihugu cya Turkia yakoze...
20 January 2021 Yasuwe: 5489 0

Umupfumu yateye umugore wa pasiteri inda bitera umujinya abaturanyi...

Umupfumu wo mu gace kitwa Onitsa muri Nigeria ari kuvugwa cyane ku mbuga...
19 January 2021 Yasuwe: 7079 0