addresiya
Kigali
startimes

Abana batatu batarengeje imyaka 15 bibye imodoka bafatwa bamaze kuyirenza ibirometero 900

Ubuzima   Yanditswe na: Dusingizimana Remy 16 July 2019 Yasuwe: 2899

Abana bane bafashe imodoka irimo amafaranga n’indobani maze, mu buryo bunyuranyije n’amategeko, bayitwara kilometero zirenga 900 muri Australia nk’uko polisi ibivuga.



Abahungu batatu n’umukobwa umwe bose bafite imyaka hagati ya 10 na 14, babasanze mu mujyi wa New South Wales uri mu gace ka Grafton ku cyumweru,taliki ya 14 Nyakanga 2019.

Bari bahagurutse ahitwa Gracemere muri Queensland mu ntangiriro ya ’week end’. Bivugwa ko umuhungu umwe muri aba bana yari yandikiye akandiko iwabo ko agiye.

Aba bana bose si abo mu muryango umwe, gusa bibye iyi modoka y’ababyeyi b’umwe muri bo nk’uko abategetsi babivuga.

Ku cyumweru kare, bamaze kugenda kilometero 140, bahagaze kuri ’station’ ngo imodoka inywe amavuta mu mujyi wa Banana, bivugwa ko ayo mavuta bayibye.

Umukozi kuri iyi ’station’ yabwiye ikinyamakaru Daily Telegraph cy’i Sydney muri Australia ko videwo ya camera z’umutekano yerekana imodoka yinjira igenda bisanzwe, umuntu akavamo akanywesha.

Uyu mukozi kuri ’station’ agira ati: "Yari umuntu mugufi rwose. Wabonaga binamugoye kugera ku idirishya".

Ku mugoroba w’uwo munsi, polisi yabonye iyi modoka ahitwa Glen Innes mu mujyi wo mu gace ka Grafton - rayikurikira. Gusa bageze aho bahagarika kuyikurikira kubera imyaka y’abayitwaye.

Polisi ivuga ko iyi modoka yaje guhagarara ku muhanda muri Grafton, bagasangamo aba bana bikingiranye, igakoresha imbaraga mu kuyifungura ikabata muri yombi.

Darren Williams, umupolisi muri Grafton, yabwiye igitangazamakuru Australian Broadcasting Corporation ko babona ko aba bana bagiye bakuranwa gutwara kuko urugendo bakoze ubusanzwe rufata amasaha 10.

Yagize ati: "Ni urugendo rurerure, ni urugendo rukomeye ku muntu ukiri muto".
Polisi ivuga ko aba bana baza guhatwa ibibazo ababyeyi babo nibagera muri aka gace bafatiwemo.

Muri iki gihugu, umuntu yemererwa uruhushya rwo gutwara imodoka afite nibura imyaka 17.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ingona ishaje yananiwe kurya umukobwa yafatiye mu mazi ari koga...

Mu gihugu cya Indonesia haravugwa inkuru y’ingona yacakiye umukobwa w’imyaka...
23 May 2020 Yasuwe: 6398 0

Umuganga yagiye ku kazi yambaye utwenda tw’imbere arangije ajya kuvura mu...

Mu Burusiya haravugwa inkuru y’umuganga watunguye benshi ubwo yajyaga kwa...
23 May 2020 Yasuwe: 7634 0

Zimbabwe: Guma mu rugo yongereye umubare w’abasambanira mu marimbi kubera...

Ifungwa ry’amazu agira ibyumba bikodeshwa [lodges] n’inzu zakira abantu...
23 May 2020 Yasuwe: 3711 2

Kenya: Urubuga rw‘ikigo cya Leta rwashyizweho filimi z’urukozasoni n’abajura...

Urubuga rwa Interineti rw’ikigo cya Leta ya Kenya gishinzwe gukora...
23 May 2020 Yasuwe: 894 0

Umuherwe yiyemeje guhemba imyaka 10 umuforomokazi ushobora kwirukanwa azira...

Umuherwe w’umunya Ghana yiyemeje guhemba umushahara wikubye kabiri...
23 May 2020 Yasuwe: 6072 0

Byinshi ukwiriye kumenya ku munsi mpuzamahanga wahariwe Icyayi wizihijwe...

Buri mwaka tariki ya 21 Gicurasi,isi yose yizihiza umunsi mpuzamahanga...
21 May 2020 Yasuwe: 708 0