skol
Kigali
startimes

Facebook yabujije Alain Cocq urwaye byo gupfa gutangaza videwo ’arimo gupfa’

Ubuzima   Yanditswe na: Dusingizimana Remy 6 September 2020 Yasuwe: 2663

Ubuyobozi bw’urubuga nkoranyambaga rwa Facebook buvuga ko buzabuza umugabo wo mu Bufaransa urwaye indwara idakira gutangaza videwo y’urupfu rwe rurimo kuba.


Ejo ku wa gatandatu, Alain Cocq w’imyaka 57 yateganyaga gutangira gutangaza mu buryo bwa ’live’ iminsi ye ya nyuma, agatangira yerekana uko yanga ibiryo, ibinyobwa n’imiti bamuzanira.

Mbere yaho, Perezida Emmanuel Macron w’Ubufaransa yari yamwangiye ubusabe bwo kurangirizwa ubuzima ku barwayi bababaye cyane kandi batazakira, bizwi nka ’euthanasie’ (euthanasia).

Bwana Cocq arashaka ko amategeko ahinduka mu Bufaransa akemerera abantu barwaye byo gupfa bagapfa mu buryo babyifuzamo.

Imiryango imwe, irimo na Kiliziya Gatolika, yamagana ’euthanasie’ ivuga ko ari uburyo butaboneye.

Mu gitondo cy’ejo ku wa gatandatu, ari mu gitanda iwe mu mujyi wa Dijon mu burasirazuba bw’Ubufaransa, Bwana Cocq yanditse kuri Facebook ati: "Inzira y’umukiro iratangiye kandi ndababwiza ukuri, ndishimye".

Yari amaze kuvuga ko "amaze kurya ifunguro rye rya nyuma" kuri iyi si.

Yongeyeho ati: "Ndabizi ko iminsi iri imbere igiye kuba mibi ariko icyemezo cyanjye naragifashe kandi ndatuje".

Bwana Cocq arwaye indwara idakunze kubaho yatumye inkuta z’imiyoboro ye y’amaraso zifatana.

Ariko Facebook yaburijemo gahunda ye yo gutangaza ibihe by’urupfu rwe, ivuga ko itajya yemera gukorerwaho ibyo kwiyambura ubuzima.

Umuvugizi wa Facebook yabwiye ibiro ntaramakuru AFP ati:

"Nubwo twubaha icyemezo [cya Bwana Cocq] cyo gushaka kugaragaza iki kibazo cy’urusobe, nyuma yo kugirwa inama n’inzobere twafashe ingamba zo kubuza konti ya Alain gutangaza mu buryo bwa ’live’".

"Amategeko agenga imikorere yacu ntabwo yemera kugaragaza amagerageza yo kwiyahura".

Bwana Cocq yavuze ko Facebook yamubujije gutangaza videwo ze kugeza ku itariki ya 8 y’uku kwezi kwa cyenda.

Yasabye abamushyigikiye gukora ubukangurambaga kugira ngo Facebook yisubireho ku cyemezo cyayo.

Ati: "Ubu ni ahanyu".

Mu kwezi kwa karindwi, Bwana Cocq yandikiye ibaruwa Perezida Macron, amusaba kumwemerera gupfa "mu cyubahiro", avuga ko "arimo kubabara cyane".

Perezida Macron yavuze ko iyo baruwa "imukoze ku mutima", ariko ntiyashobora kumwemerera ubwo busabe kuko "atari hejuru y’amategeko".

Uburyo bwa "euthanasie" ni ingingo itavugwaho rumwe mu Bufaransa.

Benshi bashyigikira uburenganzira bwo gupfa mu cyubahiro, mu gihe abandi - by’umwihariko abatsimbaraye ku mahame nyobokamana - bakomeje kwamagana ubusabe bwo gukura ubwo buryo bwa "euthanasie" mu byaha bihanwa n’amategeko.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umugabo yatanze akayabo k’amadolari kugira ngo ase n’imbwa yaciye ibintu...

Ku mbuga nkoranyambaga ndetse no mu binyamakuru bikunze kwandika ku nkuru...
24 November 2020 Yasuwe: 220 0

Umugabo yakubitiye pasiteri w’Abangilikani mu iteraniro amuziza ikintu...

Ku cyumweru gishize,umugabo witwa Leonard Mwale w’imyaka 62 ukomoka ahitwa...
24 November 2020 Yasuwe: 845 0

Umugabo yarwaniye n’ingona mu mazi ayambura imbwa ye yari igiye kurya...

Umugabo witwa Richard Wilbanks w’imyka 74 yaciye ibintu hirya no hino kubera...
23 November 2020 Yasuwe: 3994 0

Ku myaka 17 gusa yakoze Drone ya mbere akaba agejeje kure n’umugambi wo...

Umunyeshuri David Opateyibo wo muri Nigeria, yari afite imyaka 17 y’amavuko...
22 November 2020 Yasuwe: 2319 0

Umupadiri yahagaritswe ku mirimo ye kubera gusohokana ku mazi...

Umupadiri wo muri Malawi witwa Rev. Fr. Charles Mukhalira Chiuta Ndhlovu wo...
22 November 2020 Yasuwe: 5607 1

Myugariro wo mu Bwongereza ari mu mazi abira kubera gukanda udusabo...

Myugariro witwa Darnell Fisher w’ikipe ya Preston North End ari...
22 November 2020 Yasuwe: 2284 0