Kigali
startimes

Ibitangazamakuru bikomeye muri Ausralia byakoze ibintu bidasanzwe bisohora ibinyamakuru bitariho inkuru

Ubuzima   Yanditswe na: Martin Munezero 22 October 2019 Yasuwe: 890

Ibitangazamakuru bikomeye ndetse bimwe binahanganye ku isoko muri Ausralia byakoze ibintu bidasanzwe bigaragaza ubumwe bisohora ibinyamakuru imbere bitariho inkuru mu kwamagana kubangamirwa.



Ibinyamakuru icyenda uyu munsi byose byasohoye ibinyamakuru imbere biriho imirongo y’umukara gusa na ’cachet’ yanditseho ngo "ibanga".

Ibi babikoze mu rwego rwo kwamagana amategeko mashya abanyamakuru bavuga ko abangamiye gutara no gutangaza inkuru, kandi yimakaza "umuco wo guhisha" mu gihugu.

Guverinoma yatangaje ko ishyigikiye itangazamakuru ariko "nta muntu uri hejuru y’amategeko".

Mu kwezi kwa gatandatu, polisi yateye ku biro bya Australia Broadcasting Corporation (ABC) ndetse no ku rugo rw’umunyamakuru wa News Corp Australia, ibintu abantu bamaganye.

Amashyirahamwe y’abanyamakuru avuga ko ibi bitero byakozwe kubera inkuru zariho zitegurwa zimena amabanga.

Ayo akaba ari ibyaha by’intambara n’ibivugwa ko hari inzego z’ubutegetsi zigenzura kandi zigakora ubutasi ku buzima bwite bw’abaturage.

Iki gikorwa cy’ibinyamakuru uyu munsi cyashyigikiwe kandi na za televiziyo nyinshi, amaradiyo n’ibitangazamakuru byandikwa kuri Internet.

Michael Miller, umuyobozi mukuru wa kompanyi ya News Corp Australia ifite ikinyamakuru The Daily Telegraph yashyize kuri twitter ifoto igaragaza uko ibinyamakuru byasohotse bisa uyu munsi

Yanditseho ati: "Ni ibiki bari kugerageza kumpisha?".

Kompanyi ya Nine ifite ikinyamakuru Sydney Morning Herald, mukeba wa Daily Telegraph, nayo yasohoye ikinyamakuru kimeze gutya.

Umuyobozi mukuru wa ABC David Anderson we yagize ati: "Australia yugarijwe no kuba demokarasi yo mu ibanga ku isi".

Ejo ku cyumweru, guverinoma ya Australia yashimangiye ko bishoboka ko hari abanyamakuru batatu bazakurikiranwa nyuma y’ibyo polisi yababonyeho.

Minisitiri w’intebe Scott Morrison yavuze ko ubwisanzure bw’itangazamakuru ari ingenzi muri demokarasi yabo, ariko igihugu kigomba no kugendera ku mategeko.

Ati: "Ibyo bireba njyewe, umunyamakuru wese, cyangwa undi uwo ariwe wese".

Abanyamakuru bavuga ko mu myaka 20 ishize hatowe amategeko abangamiye gucukumbura kw’itangazamakuru, ibi bikabuza abaturage "uburenganzira bwo kumenya".

Kuva mu mwaka ushize hatorwa itegeko ryo kurwanya ’ubutasi’ ibitangazamakuru byakomeje kugaragaza ko bibuzwa gukora ku makuru akomeye areba ubuzima bw’igihugu.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ipusi yarigase igisebe cya nyirayo imutera uburwayi bukomeye bwamuviriyemo...

Umukecuru w’imyaka 80 ukomoka mu gihugu cya Australia wari umaze iminsi 9...
8 July 2020 Yasuwe: 1794 0

Umugabo yambaye ijipo ngufi n’imisatsi y’abakobwa kugira ngo asambanye...

Umugabo witwa Mark Brown yafashwe amashusho na CCTV asohotse mu rugo rwe...
7 July 2020 Yasuwe: 6071 1

Umupolisikazi yarashe umugabo we amuziza ko yanze kumwitaba kuri...

Umupolisikazi wo mu gihugu cya Kenya yarashe umugabo we akoresheje imbunda...
7 July 2020 Yasuwe: 4130 0

Umugabo yakoreye isabukuru idasanzwe imbwa ye ayigurira umutsima n’inzoga...

Umugabo yaciyeibintu ku mbuga nkoranyambaga kubera ukuntu yakoreye ikirori...
7 July 2020 Yasuwe: 2658 0

Umugabo yafashe ku ngufu umukobwa we w’imyaka 3 ashinja Satani...

Umugabo w’imyaka 43 ukomoka mu gihugu cya Nigeria yatawe muri yombi azira...
6 July 2020 Yasuwe: 5272 1

Urusamagwe rwariye umurinzi warwo arapfa nyuma yo kubura ubutabazi

Mu gihugu cy’Ubusuwisi haravugwa inkuru ibabaje y’umugore ucunga ahororerwa...
5 July 2020 Yasuwe: 3083 0