skol
Kigali
startimes

Ifi yapfuye yahawe icyubahiro yunamirwa n’abarimo Perezida wa Zambia

Ubuzima   Yanditswe na: Martin Munezero 9 September 2020 Yasuwe: 3990

Perezida wa Zambia, Edgar Lungu, ini umwe mu bifatanyije n’abaturage b’igihugu mu kunamira ifi yari ikunzwe cyane muri iki gihugu, yitabye Imana kuri uyu wa Kabiri.


Iyo fi yamenyekanye ku kazina ka ’Mafishi’ yari imaze ibinyacumi bibiri by’imyaka iba mu cyuzi cya Kaminuza ya CBU, Kaminuza ya kabiri mu bunini muri Zambia.

BBC yatangaje iyi nkuru yavuze ko abanyeshuri ba Copperbelt University (CBU) bacanye za buji ndetse bakanakorera urugendo muri Kaminuza, mu rwego rwo kunamira iriya fi.

Mu banya-Zambia, by’umwihariko abakoresha urubuga rwa Twitter, izina ’Mafishi’ riri kugarukwaho cyane.

Mu myaka hafi 20 iriya fi yari imaze, abanyeshuri ba Kaminuza ya CBU bajyaga kuyisura mbere y’ibizamini ngo ibatere amahirwe, abandi bakavuga ko yabagabanyirizaga umujagararo (stress).

Izina ’Mafishi’ risobanura ifi nini, rifite inkomoko mu rurimi rw’iki Bemba ruvugwa muri Zambia. Bivugwa ko iriya fi yari imaze imyaka 22, muri yo 20 ikaba yari iyimaze mu cyuzi cy’iriya Kaminuza yaguyemo.

Perezida Edgar Lungu mu kunamira iriya fi, yifashishije amagambo y’Umuhinde Mahatma Ghandi maze yandika ku rukuta rwe rwa Facebook amagambo ayisezera. Ati:

Gukomera kw’igihugu no gutera imbere kw’ibikiranga byanapimirwa ku buryo inyamaswa zacyo zifatwa. Twishimiye ko wakiriye ubutumwa bugukwiriye. Twese tuzagukumbura.

Hakainde Hichilema utavuga rumwe n’ubutegetsi bwa Zambia we yagize ati: “Twifatanyije n’umuryango w’abanyeshuri ba CBU, abahanyuze n’abahari ubu, ku rupfu rw’itungo ryabo rikomeye Mafishi.”

Perezida w’Ihuriro ry’abanyeshuri bo muri iriya Kaminuza yabwiye BBC ko iriya fi itarashyingurwa, ngo kuko hari hagikorwa iperereza ku rupfu rwayo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umuforomokazi yafashwe ku ngufu n’umuganga mugenzi we bari mu kazi ku...

Mu gihugu cya Zambia haravugwa inkuru y’Umuforomokazi wafashwe ku ngufu muri...
3 December 2020 Yasuwe: 7121 0

Umurambo wangiwe kwinjizwa mu misa yo kuwusezera ba nyirawo bawusiga ku...

Umurambo w’umugabo witwa Che Lewis w’imyaka 29,wangiwe kwinjira mu misa yo...
3 December 2020 Yasuwe: 6631 0

Pasiteri yaciye ibintu hose nyuma yo gufatwa amashusho ari kuzunguza...

Bamwe mu bapasiteri bo mu bihugu byo muri Afurika y’Iburengerazuba bakomeje...
3 December 2020 Yasuwe: 4776 0

Betty yisanze agiye kuryamana na Papa we umubyara muri Lodge

Betty Kamau w’imyaka 32 y’amavuko ukomoka mu gihugu cya Kenya, yahishuye uko...
3 December 2020 Yasuwe: 5518 0

Umugore yaciye ibintu kubera ikintu gitangaje yakoze kikamutera guhorana...

Umugore witwa Letícia Martins, uzwi cyane ku mbuga nkoranyambaga nka Lunna...
3 December 2020 Yasuwe: 4437 0

Umugabo wakoze umubiri cyane yashyingiranwe n’igipupe cyamuryohereje...

Umugabo wubatse umubiri cyane witwa Yuri Tolochko yaciye ibintu ku isi yose...
2 December 2020 Yasuwe: 9299 0