Kigali

Imbwa yagonzwe na Moto ikangirika isura mu buryo bukomeye yongeye gusubiranywa[AMAFOTO]

Ubuzima   Yanditswe na: Martin Munezero 19 May 2019 Yasuwe: 3309

Abavuzi b’inyamaswa bongeye gusubiranya isura y’imbwa bayirokorera ubuzima nyuma yaho ikomerekeye mu mutwe bikomeye imaze kugongwa na moto.



Iyi mbwa y’amezi icyenda y’amavuko izwi ku izina rya Bella, yahise yihutishirizwa ku kigo kivurirwamo inyamaswa cya Pride Veterinary Centre imaze kugongerwa ahitwa i Belper mu gace ka Derbyshire mu Bwongereza mu kwezi kwa cumi k’umwaka ushize.

Umuganga wabaze iyi mbwa y’ingore yavuze ko kureba umutwe wayo mu cyuma "byari ibintu biteye ubwoba n’urujijo".

Bivugwa ko icyo gikorwa cyo kuyibaga cyagenze neza, ubu ikaba "imeze neza cyane".

Amafoto yo mu cyuma cyo kwa muganga agaragaza umutwe w’iyi mbwa Bella wavunaguritse cyo kimwe no mu maso, isuru n’ibice bimwe na bimwe byavuye mu mwanya bisanzwe birimo.

Rosario Vallefuoco, wabaze Bella, yagize ati: "Kugeza ubu ntabwo ubukana bw’ibikomere byayo, nubwo bwacyekwaga, bwari bwakwigaragaza, ariko ubwo twabonaga amafoto yayo yo mu cyuma, byari ibintu biteye ubwoba n’urujijo".

Ayo mafoto yanagaragaje utuvungukira duto tw’amagufa y’izuru ry’iyi mbwa - byasabaga ko dukurwamo kugira ngo tudateza ibindi bibazo - n’ukuntu amagufa y’umutwe yajegeraga.

Vallefuoco yagize ati: "Imeze neza cyane kandi ugendeye ku kuntu isura yayo imeze ubu, ntabwo wamenya na busa ko yakoze impanuka ikomeye gutyo, urebye amafoto yayo ya mbere, rero iki nacyo ni ikintu kiduteye ishema cyane".

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umugore uherutse gutanga akayabo kugira ngo agire igitsina kinini kurusha...

Umugore witwa Mary Magdalene uherutse gutanga akayabo ka miliyoni 76 FRW...
10 December 2019 Yasuwe: 15462 0

Umukinnyi w’imikino njyarugamba yakubiswe igipfunsi umunwa we ucikamo kabiri...

Umukinnyi w’imikino njyarugamba ya UFC witwa Alistair Overeem yahuye n’uruva...
9 December 2019 Yasuwe: 6346 0

Umugabo n’umugore barambiwe gutegereza Gari ya moshi bahita bakorera...

Umugabo n’umugore bagaragaye mu mujyi wa New York muri Leta Zunze Ubumwe...
8 December 2019 Yasuwe: 12380 1

Umugabo yakoze benshi ku mutima kubera ukuntu yihinduye intebe kugira ngo...

Umugabo w’Umushinwa yakoze benshi ku mutima kubera ukuntu yihinduye intebe...
7 December 2019 Yasuwe: 8944 0

Kenya: Umwarimukazi yatwitse inzu ye ubwo yageragezaga kwica inzoka yari...

Umwarimukazi wo mu mashuli abanza utuye ahitwa Kibingoti mu ntara yitwa...
6 December 2019 Yasuwe: 3056 0

Umwana wavukanye umurizo mu mugongo yatangiye gusengwa n’abaturanyi bamwita...

Umwana witwa Shivam Kumar ukomoka mu Buhindi wavukanye umurizo mu mugongo...
5 December 2019 Yasuwe: 5025 0