Kigali

Imbwa yarumye umukobwa izuru rivaho ubwo yashakaga gukina nayo ayisoma [AMAFOTO]

Ubuzima   Yanditswe na: Dusingizimana Remy 23 August 2019 Yasuwe: 5025

Umunyamerikakazi w’imyaka 29 witwa Gabrielle Myers ukomoka ahitwa Indiana muri USA yahuye n’uruva gusenya arumwa izuru rye n’imbwa iricamo kabiri ubwo yageragezaga kuyisoma.



Uyu mukobwa utaratinyaga imbwa,yashatse gusomana n’imwe muzo yakundaga y’inshuti ye yari yamutumiye mu kirori nayo imwereka aho ibera akaga niko kumuruma izuru irikuraho igice kinini.

Uyu mukobwa yangiritse cyane isura ndetse izuru rye rivaho ubwo iyi mbwa yo mu bwoko bwa Pitbul yamurumaga ikamwangiza cyane.

Uyu mukobwa akimara guhura n’aka kaga,yamaze imyaka 2 yivuza isura ye ndetse n’iri zuru ryavuyeho kugeza na nubu ingaruka yatewe n’iyi mbwa ziracyamugaragaraho inyuma.

Mu kiganiro yagiranye n’ikinyamakuru Fabulous Digital, Gabrielle yavuze ko yakuze akunda imbwa ariyo mpamvu yagiye mu kirori yatumiwemo n’inshuti ye yari itunze iyi mbwa yitwa Clyde yashatse kwisanzuraho ikamukorera ibya mfura mbi.

Yagize ati “kuwa 11 Kamena 2017 nibwo nagiye mu kirori nkina n’imbwa y’inshuti yanjye nk’ibisanzwe.Clyde yaransimbukiye mbona umunwa wayo ufunguye cyane,iza igana mu isura yanjye.Amenyo yayo yayateye mu isura yanjye iranduma ihereye hejuru kugeza ku kananwa.Navugije induru cyane bituma ihunga gusa yasize yangije isura yanjye bikomeye.

Nkoze mu isura yanjye,numvise ku izura hari icyobo kinini menya ko izuru yaritwaye.Amaraso yahise yuzura ahantu hose ndetse n’abantu bose bahise bahurura baza kuntabara.Nasabye inshuti zanjye gushaka igice cy’izuru ryanjye ngo ngishyire muri barafu bazagisubizeho.

Uyu mukobwa warumwe n’imbwa cyane,yahise ajyanwa mu bitaro byitwa St Vincent’s Hospital,muri Indianapolis aho abaganga bagowe no kumutera ikinya kubera ko yari yanyoye inzoga.

Abaganga bamubwiye ko batashobora kudoda izuru rye kubera ko amaraso atari kubasha kurigeramo.

Uyu mukobwa wakuwe n’iryinyo n’iyi mbwa yavuze ko yamaze igihe yireba mu ndorerwamo akabona ari mubi cyane ndetse ngo yashatse kwiyahura kubera isura ye yangijwe n’iyi mbwa.Nyuma yo kubagwa inshuro 7 uyu mugore yaje kuvurwa iri zuru.

Uyu mukobwa yavuze ko nubwo iyi mbwa yamwangirije isura agikunda imbwa nka mbere.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Claude Y .

    Ariko ntimukatubeshye! mwatangiye muvugako yariwe n’imbwa ye,murongerango ni imwe muzoyakundaga none ngo ni iyo kunshuti ye??? ubwose ibyo ni ibiki? twabwirwa n’iki ko ari ukuri?

    2 months ago

Inzindi nkuru

Umugabo yakase amatwi umugore we amuziza kumuca inyuma

Umunya Kenya witwa Joseph Simiyu Wafula yatawe muri yombi ashijnjwa...
14 November 2019 Yasuwe: 2888 0

Umugabo n’abagore be 28 bafite abana 111 akaba agiye gushaka undi...

Umugabo witwa Shadreck Chimbare w’imyaka 53 akaba ari n’uwahoze mu ngabo mu...
14 November 2019 Yasuwe: 3927 1

USA :Inka 3 zatwawe mu nkubi y’umuyaga zabonetse ari nzima

Inka eshatu zari zatwawe zikava ku kirwa cyo muri leta ya Carolina...
14 November 2019 Yasuwe: 3154 0

Umwana w’umukobwa w’imyaka 10 yatewe Inda na musaza we w’imyaka...

Umwana w’umukobwa uri mu kigero cy’imyaka 10 y’amavuko, byagaragaye ko atwite...
13 November 2019 Yasuwe: 4720 0

Umugabo wo muri Kenya yatunguye benshi nyuma yo kwiburanira mu rukiko...

Umugabo wo muri Kenya witwa William Okumu yabonye ubwigenge nyuma yo...
13 November 2019 Yasuwe: 5356 0

Umukobwa w’imyaka 19 yabyariye mu kabyiniro mu masaha y’urukerera

Umukobwa wari waraye mu kabyiniro atwite,yatunguwe n’ibise mu masaha ya saa...
13 November 2019 Yasuwe: 3497 0