Inkoko zose zisanzwe zigira amaguru abiri ariko inkoko yo mu gace kitwa Ugunja mu ntara ya Siaya yo mu gihugu cya Kenya,yavukanye amaguru 4 bitangaza benshi.

Sponsored Ad

Iyi nkoko ya Bwana Ezekiel Okoth imaze iminsi 2 gusa ibayeho,yatumye benshi bacika ururondogoro kubera ukuntu yavukanye amaguru 4 kandi izindi zisanzwe zigira 2.

Okoth yavuze ko uyu mushwi wavukanye n’izindi zifite amaguru 2 ariko yo yaje ifite 4 birabatangaza.

Umuvandimwe wa Okoth witwa Daniel Ochieng yagize ati “ Amagi yose yari ameze kimwe gusa ntitwabasha kumenya impamvu iyi nkoko yavukanye amaguru 4.”

Abahanga mu bumenyi bw’inyamamaswa baherutse kuvuga ko kuba inyamaswa yavukana amaguru menshi ku yo izindi zisanzwe zigira atari igitangaza kuko ngo hari uburwayi bwitwa polymelia bubitera.