skol
Kigali
startimes

Kenya: Umugabo wari umaze amezi 4 ashyinguwe yagarutse iwabo ari muzima benshi bakwira imishwaro

Ubuzima   Yanditswe na: Dusingizimana Remy 19 November 2020 Yasuwe: 6356

Agace kose ka Busia mu gihugu cya Kenya kaguye mu kantu ubwo umugabo w’imyaka 40 witwa Steven Ogolla yagarukaga iwabo nyuma y’amezi 4 ashyinguwe ndetse buri wese abizi neza ko yapfuye.


Bwana Steven Ouma usanzwe ari umuvandimwe wa Ogolla yakwiye imishwaro asakuza ko abonye umuzimu ubwo yamubonaga agarutse mu gace kandi baramushyinguye .

Ogolla wari umaze amezi 4 bizwi na buri wese ko yapfuye,yagarutse iwabo ashaka kubonana n’abagize umuryango we ariko yatunguwe nuko buri wese yamuhungaga.

Steven Ouma yabwiye ikinyamakuru The Standard ati “Ntabwo nabasha gusobanura ukuntu umuvandimwe twabonye umurambo we tukawushyingura,yagaruka ari muzima.”

Ogolla w’imyaka 40 we yari yumiwe.Nta kintu yari azi ku byarimo kujya imbere ndetse ngo yibazaga ukuntu abantu azi neza bamurebanaga amakenga ndetse bakanga kumwegera.

Uyu mugabo yateye benshi rurjijo byatumye bamwe mu bamotari bafata umwanzuro bamujyana ku biro bya polisi.

Ikinyamakuru The Sunday Standard cyanditse ko kuwa 14 Ugushyingo 2020 cyasanze uyu mugabo ku biro bya polisi ari muzima gusa ngo atiyumvishaga ukuntu umuryango we wavugaga ko bamushyinguye.

Ikibazo cyabereye benshi urujijo,ni uwuhe muntu wapfuye umuryango we washyinguye?.

Ogolla yasabye Leta gutaburura umurambo washyinguwe ukongera gupimwa hakamenyekana umuntu washyinguwe bikavugwa ko ariwe.

Uyu mugabo yavuze ko yari atuye ahitwa Port Victoria aho yakoreraga akazi k’uburobyi nyuma yo kuva iwabo mu gace ka Nabisiongo ko muri Busia.

Amakuru avuga ko uyu mugabo ubwo yavaga iwabo atigeze agira uwo abibwira bituma umuryango we uhangayika umushakira hose ndetse umenyesha polisi.

Nyuma y’iminsi mike,habonetse umurambo w’umuntu wamaze kubora uri kureremba hejuru y’umugezi wa Suo.

Polisi yahise iyobowe na Julius Lingole yahise iwujyana muri Morgue bahamagara umuryango wa Ogolla ngo uze urebe niba ariwe bose bemeza ko ariwe.

Uyu muryango washyinguye uyu murambo uzi neza ko ari umuhungu wabo bashyinguye nyamara yari undi muntu.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umurambo wangiwe kwinjizwa mu misa yo kuwusezera ba nyirawo bawusiga ku...

Umurambo w’umugabo witwa Che Lewis w’imyaka 29,wangiwe kwinjira mu misa yo...
3 December 2020 Yasuwe: 834 0

Pasiteri yaciye ibintu hose nyuma yo gufatwa amashusho ari kuzunguza...

Bamwe mu bapasiteri bo mu bihugu byo muri Afurika y’Iburengerazuba bakomeje...
3 December 2020 Yasuwe: 958 0

Betty yisanze agiye kuryamana na Papa we umubyara muri Lodge

Betty Kamau w’imyaka 32 y’amavuko ukomoka mu gihugu cya Kenya, yahishuye uko...
3 December 2020 Yasuwe: 2175 0

Umugore yaciye ibintu kubera ikintu gitangaje yakoze kikamutera guhorana...

Umugore witwa Letícia Martins, uzwi cyane ku mbuga nkoranyambaga nka Lunna...
3 December 2020 Yasuwe: 1846 0

Umugabo wakoze umubiri cyane yashyingiranwe n’igipupe cyamuryohereje...

Umugabo wubatse umubiri cyane witwa Yuri Tolochko yaciye ibintu ku isi yose...
2 December 2020 Yasuwe: 7664 0

Umugore yagiye kwiba agezeyo abanza kwitekera inkoko n’umureti

Mu gihugu cya Australia, umugore utatangajwe amazina utuye mu Mujyi wa...
2 December 2020 Yasuwe: 2445 0