addresiya
Kigali
startimes

Umugabo ukunda abagore bananutse cyane yicishije inzara uwo yashatse agera ubwo yambara imyenda y’umwana w’imyaka 7

Ubuzima   Yanditswe na: Dusingizimana Remy 27 July 2019 Yasuwe: 6798

Umugore witwa Catherine w’imyaka 32 yabaabje benshi kubera iyicarubozo yakorewe n’umugabo we Matthew Hartley wakundaga abagore bananutse cyane bigatuma afata umwanzuro wo kumwicisha inzara.



Matthew Hartley wakururwaga n’abagore bazwi nka ba mu nda zero,yashakanye na Catherine abyibushye biramubabaza niko gufata umwanzuro wo kumwicisha inzara kugira ngo ananuke cyane bigeraubwo asigarana ibiro 31 gusa.

Uyu mugore wamaze imyaka 12 atotezwa n’umugabo we,yavuze ko kubera kumwicisha inzara yageze ubwo yambara imyenda y’umwana w’umukobwa w’imyaka 7 iramukwira.

Uyu Catherine wari ubyibushye yavuze ko umugabo we Hartley yamubujije kurya kugira ngo agire mu nda zero cyane ko atashakaga kubana n’umugore ubyibushye.

Yagize ati “Yambwiye ko mbyibushye cyane ashaka kunshira kuri regime [diet].Yashakaga umugore ufite munda zero.Iyo naryaga mbere y’uko njya kuryama yantegekaga kurara mu ntebe kugirango atumva ndi guhumuraho ibyokurya turyamye.Narananutse cyane ku buryo iyo naryamaga hasi kuri matora nababaraga amagufa.Nyuma naje kujya nambara imyenda y’umwana w’imyaka 7.

Umunsi umwe ubwo twari twasuwe n’abagize umuryango namubwiye ko twajya kurya kubera ko nari nshonje,araniga hafi kumpeza umwuka.”

Uyu mugore yavuze ko umugabo we yari inyamaswa cyane kuko ngo yigeze kumusohora mu nzu yambaye ubusa amuta mu muhanda ku manywa y’ihangu abantu bamwita umusazi.

Uyu mugore kandi yavuze ko uyu mugabo mu mwaka wa 2009 yigeze kumunigira mu modoka ashaka kumujugunya hanze iri kugenda.Uyu mugore yavuze ko umugabo we yari yarateze camera mu rugo iyo yabaga ashatse kurya mu ibanga zahitaga zimurega.

Catherine yahuriye na Hartley mu kabari bwa mbere ubwo yari afite imyaka 15 uyu mugabo afite 25,ahita amugurira inzoga n’itabi urukundo rwabo rukura ubwo baza kurushinga muri 2006.

Uyu mugore wari ugiye kwicwa n’umugabo we,yahisemo kumusiga mu mwaka wa 2017 bahabwa gatanya muri Mata uyu mwaka nkuko ikinyamakuru The Mirror cyabitangaje.

Uyu mugore yatangaje ko yababajwe n’uko Hartley atafunzwe kandi yaramureze ibyaha bikamuhama cyane ko ngo hari n’abandi bagore yafashe ku ngufu ariko ntabihanirwe.





Catherine wicishijwe inzara n’uwahoze ari umugabo we

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umugabo yateye icyuma umuvandimwe we aramwica bapfuye amata

Mu gihugu cya Kenya haravugwa inkuru ibabaje y’abavandimwe 2 bicanye bapfa...
29 May 2020 Yasuwe: 2815 0

Umugabo wari ushaje kurusha abandi ku isi yapfuye, yahishuye ibanga ryo...

Bob Weighton w’ahitwa Hampshire mu Bwongereza niwe wari umugabo mukuru...
29 May 2020 Yasuwe: 1999 1

Musanze: Umusore yinjiye mu nzu agiye kwiba asohoka yihinduye umugore...

Umusore uri mu kigero cy’imyaka 24 y’amavuko ukomoka mu Murenge wa Nyange ho...
27 May 2020 Yasuwe: 7028 0

Ingona bivugwa ko yari iya Hitler yapfuye ku myaka 84

Ingona [Alligator] yitwa Saturn yavumbuwe I Berlin n’Abongereza nyuma...
24 May 2020 Yasuwe: 4576 0

Ingona ishaje yananiwe kurya umukobwa yafatiye mu mazi ari koga...

Mu gihugu cya Indonesia haravugwa inkuru y’ingona yacakiye umukobwa w’imyaka...
23 May 2020 Yasuwe: 7617 0

Umuganga yagiye ku kazi yambaye utwenda tw’imbere arangije ajya kuvura mu...

Mu Burusiya haravugwa inkuru y’umuganga watunguye benshi ubwo yajyaga kwa...
23 May 2020 Yasuwe: 9184 0