Kigali

Umugore yataye abana be b’impanga muri pisine barapfa kubera ko umugabo we yanze ko batura muri Qatar

Ubuzima   Yanditswe na: Dusingizimana Remy 27 July 2019 Yasuwe: 4199

Umugore uzwiho gukunda ubuzima buryoshye witwa Samantha Ford w’imyaka 38,yabwiye urukiko ko ariwe wiyiciye abana be nyuma y’agahinda yatewe n’uko umugabo we yafashe umwanzuro wo kubimura abavana muri Qatar aho bari bamaze imyaka 10 batuye.



Uyu mugore wari wararyohewe n’ubuzima bwiza bwo muri Qatar,yababajwe n’uko umugabo we Steven Ford yamubwiye ko bagomba kuva muri iki gihugu yafataga nk’icy’amata n’ubuki akagaruka mu Bwongereza.

Urukiko rwabwiwe ko Samantha na Steven bamenyanye muri 2004 aho uyu mugore ngo yari yakoreshaga umugabo we ndetse akamubwira nabi.

Muri 2008,aba bombi bimukiye muri Qatar ndetse mu myaka 10 bahamaze,bahabyariye abana b’impanga.

Umushinjacyaha Tom Kark QC yagize ati “Byasaga nk’aho bari bafite ubuzima bwiza,bwaryoheye cyane Samantha.”

Mu mwaka ushize,nibwo uyu muryango wagarutse muri UK bibabaza uyu mugore Samantha cyane ndetse afata umwanzuro wo gutandukana n’umugabo we muri Nyakanga 2018.

Kuwa 27 Ukuboza 2018,nibwo uyu mugore Samantha wahoraga atuka umugabo we yafashe umwanzuro wo gufata izi mpanga ze z’amezi 23 muri pisine,ahita ahamagara polisi ayihuruza.

Tom Kark yabwiye urukiko ati “Mu ijoro ryo kuwa 27 Ukuboza,nibwo uyu mugore yishe impanga ze azitaye muri pisine Jake na Chloe Ford.Yabataye muri pisine yo mu rugo rwabo,bararohama.”

Ubwo uyu mugore yari amaze gutabwa muri yombi na polisi yagiye mu modoka yabo avuga ati “Mundeke mpfe nishe abana banjye.Sinifuzaga kubabaza.Bari abana b’inzozi zanjye.”

Urukiko rwabonye ubutumwa bwinshi uyu mugore Samantha yandikiraga umugabo we amubwira ko yabakuye mu gihugu cyiza none abana be bagiye gukurira mu gihugu kibi kandi gikonja.Uyu mugore yavuze ko bagiye kuba mu buzima bubabaje.

Uyu mugore n’umugabo bamaze igihe baterana amagambo cyane bitewe n’umwanzuro yafashe wo kubakura muri Qatar ariyo mpamvu ikekwa yateye umujinya uyu mugore agafata umwanzuro wo guta muri pisine izi mpanga z’amezi 23 zirarohama.

Steven yari afite akazi keza muri Qatar aho yari kapiteni w’ikipe yitwa Doha Golf Club.Uyu mugore ntarakatirwa igifungo kuko kizatangazwa kuwa 16 Kanama uyu mwaka.






Samantha yishe abana be b’impanga kubera ko umugabo we yanze ko basubira gutura muri Qatar

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble mazina

    Uyu arwaye mutwe.Tujye tumenya ko abantu benshi barwaye mu mutwe.Ngo yabahoye ko bavuye mu gihugu kiza??? Nonese mu Bwongereza si heza?Kereka wenda iyo avuga ko abana be bicwaga n’inzara.Abana ni "impano" twahawe n’imana idukunda.
    Idusaba gukunda no kurera abana bacu bagakura,ikatubuza ubwicanyi.Nubwo abantu bazamufunga,imana izamuha igihano kiruta ibindi byose izaha abantu bose bakora ibyo itubuza.Nukuvuga kubima ubuzima bw’iteka.

    3 months ago

Inzindi nkuru

Umugabo ukunda kwibira akagera kure cyane mu mazi yarokotse by’igitangaza...

Umunya Autriche witwa Herbert Nitsch ufite ubuhanga bwinshi mu kwibira...
19 November 2019 Yasuwe: 7399 0

Urukiko rwabwiwe ko Umwongerezakazi yapfuye bitunguranye ari gutera...

Urukiko rukuru rwa Auckland muri New Zealand rwabwiwe ko Umwongerezakazi...
19 November 2019 Yasuwe: 5789 0

Nigeria: Umuhungu w’umuyisilamu yateje impaka ndende ubwo yasengeraga ku...

Mu gihugu cya Nigeria haba agapingane hagati y’abakirisito n’abasilamu,havutse
15 November 2019 Yasuwe: 4208 0

Umugabo yakase amatwi umugore we amuziza kumuca inyuma

Umunya Kenya witwa Joseph Simiyu Wafula yatawe muri yombi ashijnjwa...
14 November 2019 Yasuwe: 3696 0

Umugabo n’abagore be 28 bafite abana 111 akaba agiye gushaka undi...

Umugabo witwa Shadreck Chimbare w’imyaka 53 akaba ari n’uwahoze mu ngabo mu...
14 November 2019 Yasuwe: 4966 1

USA :Inka 3 zatwawe mu nkubi y’umuyaga zabonetse ari nzima

Inka eshatu zari zatwawe zikava ku kirwa cyo muri leta ya Carolina...
14 November 2019 Yasuwe: 3517 0