Umugore wo muri Zambia witwa Ireen Kalenga w’imyaka 28 yazabiranyijwe n’uburakari ubwo umugabo we yatahanaga umugore we wa kabiri wari utwite mu nzu yabo,birangira ayitwitse bombi baryamye.

Sponsored Ad

Uyu Ireen Kalenga yabwiye polisi ko yababajwe no kuba umugabo we yazanye n’uyu mugore we wa kabiri atwite yarangiza akamubwira ko bagiye kubana mu nzu bose ndetse ko niba atabishaka yakwigendera,bituma atwika inzu baryamye.

Uyu mugore wa kabiri witwa Tina Mofya yabwiye abapolisi ko uyu mugore yagize ishyari kubera ko yari amaze imyaka 3 atarabyara,yabona atahanye n’umugabo basangiye bikamubabaza cyane ko we atwite.

Uyu mugabo witwa Kalenga ngo yabwiye Ireen ko agomba kubana na mukeba we Tina mu nzu imwe atabishaka akagenda kuko ngo we nta kamaro afite kubera ko atabyara.

Ireen yategereje igicuku kinishye,umugabo we na mukeba we basinziriye,asohora ibintu bye inzu arayitwika,aba bombi bashiduka ibishirira biri kubatwika basohoka bavuza induru,ku bw’amahirwe nta wagize ikibazo.

Uyu mugore Ireen yahise atabwa muri yombi na polisi nyumay’aya mahano yakoze mu ijoro ryo kuri uyu wa kabiri taliki ya 26 Werurwe 2019.

Ireen yatwitse inzu ye yarimo umugabo we na mukeba we