skol
Kigali
startimes

Umukobwa w’imyaka 17 yaciye agahigo ko kuba umugore ufite amaguru maremare kurusha abandi ku isi [AMAFOTO]

Ubuzima   Yanditswe na: Dusingizimana Remy 8 October 2020 Yasuwe: 9235

Umukobwa w’imyaka 17 y’amavuko witwa Maci Currin, ukomoka ahitwa Cedar Park muri Texas ho muri Leta Zunze Ubumwe z’Amerika, yaciye agahigo k’umugore ufite amaguru maremare ku Isi.


Uyu mwangavu yanditswe mu gitabo cy’abanyadushya [Guinness World Records] kubera amaguru ye maremare bidasanzwe.

Ukuguru kwe kw’imoso gupima cm 135.267, na ho ukw’indyo 134.3 cm,n’ukuvuga ko afite ukuguru kureshya na metero n’igice. Amaguru ye agize 60% by’uburebure bw’umubiri we wose, nk’uko byasohotse mu Itangazo ry’Ikigo cya Guinness World Records ryo ku ya 6 Ukwakira 2020.

Currin akimara guca agahigo yagize ati “Nabanje kumenya ko ndi muremure cyane kurusha abandi ku kigo nizeho.Nagiye nerekwa abantu benshi ariko ngasanga bose ndabarusha uburebure.Nabonye ko ntandukanye n’abandi.Uko nagendaga nkura buri mwaka niko narushagaho kuba muremure cyane.

Abavandimwe n’ababyeyi ba Currin ni barebare ariko nta numwe umuyingayinga mu burebure.Intego ye n’ugufasha abantu barebare kurusha kwakira uko baremwe.

Uyu mukobwa yavuze ko nta wamwibasiye ko afite amaguru maremare ahubwo benshi bamwibasira bamuziza ko ari muremure cyane.

Uyu mukobwa yavuze ko yafashe umwanzuro wo kutita ku byo abantu bamutekerezaho bimufasha kwishimira uko ari cyane ko yari amaze igihe aterwa ipfunwe n’uburebure bwe.

Nubwo uyu mukobwa agorwa no kubona imyenda imukwiriye,kwinjira mu nzu zitandukanye no mu modoka ariko ngo uburebure bwe bumufasha gukina Volleyball.

Uyu mukobwa yavuze ko akimara kwakira uburebure bwe,yahisemo gushaka uko yakwandikwa mu gitabo cy’abantu bihariye [Guinness World Records] aza kubigeraho.

Yahise agira inama abantu bakeka ko bafite umwihariko ko bashaka uko bakwinjira mu banyaduhigo ati “Ntugatume umuntu aguhindura ibitekerezo,kora icyo ushaka.”

Uyu mukobwa n’icyamamare ku mbuga nkoranyambaga by’umwihariko kuri TikTok aho yifata amashusho agaragaza uburebure bwe agakundwa na benshi.

Uyu mukobwa afite inzozi zo kuzajya kwiga mu Bwongereza ndetse akaba umunyamideli muremure kurusha abandi bose ku isi.






Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umugabo yatwikishije umugore we amazi ashyushye amuziza ko yamukanguye ngo...

Umugabo witwa Ali Aye w’imyaka 28 ukomoka mu gihugu cya Turkia yakoze...
20 January 2021 Yasuwe: 4731 0

Umupfumu yateye umugore wa pasiteri inda bitera umujinya abaturanyi...

Umupfumu wo mu gace kitwa Onitsa muri Nigeria ari kuvugwa cyane ku mbuga...
19 January 2021 Yasuwe: 6743 0

Umugabo wari umucuruzi ukomeye yapfuye ari gutera akabariro n’umukunzi...

Umugabo w’imyaka 60 wo mu gihugu cya Kenya ahitwa Mombasa yahuye n’uruva...
18 January 2021 Yasuwe: 8648 1

Umukobwa wari utarasoma n’umusore na rimwe yateguye amarushanwa yo gushaka...

Umukobwa witwa M’Lynn Martin w’imyaka 24 yaciye ibintu ku mbuga nkoranyambaga...
18 January 2021 Yasuwe: 6592 0

Amaze amezi 3 yihishe ku kibuga cy’indege kubera gutinya kugenda mu ndege mu...

Umugabo witwa Aditya Singh w’imyaka 36,ukomoka muri Leta ya California muri...
18 January 2021 Yasuwe: 5807 0

Umugore wubatse yasanzwe yapfiriye mu rugo rw’umusore byavugwaga ko...

Umugore wari usanzwe afite umugabo wo mu ntara yitwa Mongu mu gihugu cya...
14 January 2021 Yasuwe: 11427 0