Umupilote witwa Charl Viljoen, ukomoka muri Afurika y’Epfo yahitanywe n’impanuka y’indege yakoze ubwo yashakaga kugongesha indege yari yibye umugore we bari bamaze gushwanira mu birori byo kwitegura umwana.

Sponsored Ad

Charl Viljoen yagize uburakari bwinshi ubwo yari amaze gushwanira n’umugore we mu gihugu cya Botswana bari mu birori byo kwitegura umwana (baby Shower)ahita ajya aho iyi ndege yari iparitse arayigurutsa ashaka kugonga inzu uyu mugore we na bagenzi be bari barimo,birangira ahasize ubuzima.

Uyu mugabo w’umupilote yashwanye n’umugore we bari muri ibi birori,abashyitsi bari batumiwe bamusohora nabi niko kugenda yiba indege ku kibuga cy’indege,ayigongesha inzu barimo gusa nta n’umwe wapfiriye muri iyi nzu uretse we wari mu ndege.

Mbere y’uko uyu mugabo agonga inzu yarimo uyu mugore we n’anbashyitsi yahamagaye inshuti yeyzari muri iki kirori ayibaza niba umugore we arimo ngo aze amwice birangira uyu mugabo avugije induru asaba abantu ko bahunga,bibafasha kurokoka.

Uretse iyi nzu yabereyemo ikirori yahiye,umunara uyobora indege ndetse n’imodoka 13 z’abashitsi nazo zarahiye.

Abantu basaga 50 barokotse iyi ndege ya Viljoen yagongeye inzu mu mujyi wa Gaborone hafi y’ikibuga cy’indege Matsieng Airfield,kuwa Gatandatu w’icyumweru gishize.

Uyu mupilote yagerageje kwica umugore we akoresheje indege, aba ariwe uhasiga ubuzima