skol
Kigali
startimes

Umushoferi yagonze umugenzi ari kwambukiranya umuhanda ariruka nyuma amenya ko ari sebukwe

Ubuzima   Yanditswe na: Dusingizimana Remy 21 September 2020 Yasuwe: 8021

Umushoferi w’umugore witwa Fatheha Begum Abedin ukomoka mu gihugu cy’Ubwongereza yagonze umugenzi warimo kwambukiranya umuhanda muri Zebra Crossing akomeza kwiruka ariko nyuma yaje kumenya ko ari sebukwe yagonze.


Uyu mushoferi wari warangariye kuri Telefoni ye yakoze amahano agonga sebukwe atabizi ajyanwa mu bitaro arembye,cyane ko nyuma yo kumugonga atigeze amwitaho ahubwo yirukanse arahunga.

Uyu mugore yagongeye sebukwe ahitwa Highfields mu mujyi wa Leicester mu Bwongereza muri Gashyantare 2018 ariko yafashwe amashusho na CCTV bituma polisi imuhiga bikomeye.

Abedin yagerageje kubeshya polisi ibinyoma byinshi byatuma adafungwa ariko ntabwo byamukundiye kuko amashusho yamutamaje.

Urukiko rwa Leicester rwatangaje ko nubwo yabeshye cyane ariko Polisi yashatse ibimenyetso bikomeye bimushinja kugonga uyu sebukwe yarangaye cyane ko atigeze ahagarara kandi uyu yarimo kwambukira muri Zebra crossing.

Uyu mugore yabwiye urukiko ko atazi iby’iyi mpanuka ariko nyuma yemera ko bishoboka ko ariwe wayikoze ariko yari yataye ubwenge kubera uburwayi bwa Asthma bwari bumumereye nabi.

Kubera umuvuduko iyi modoka yari ifite,yakubise uyu musaza w’imyaka 61 agwa kure ndetse n’ikirahuri kirameneka.

Uyu mugore yavuze ko iyi modoka itangijwe n’iyi mpanuka ahubwo byatewe n’abajura bayimenaguye bashaka kumwiba telefoni ye.

Uyu mugore yahakanye ko atarimo gukoresha telefoni ariko abahanga mu kugenzura telefoni basanze yarasibye ubutumwa 32 burimo nubwo yasibye agonga sebukwe.

Uyu mugore ukora muri Pharmacy yahamwe n’ibyaha 2 birimo guteza impanuka biturutse mu gutwara nabi ndetse no kubeshya ubutabera.

Uyu mugore yagejejwe imbere y’urukiko kuwa Gatatu w’icyumweru gishize ari kumwe n’umuryango we ndetse na sebukwe yagonze ariko nyuma agakira.
Uyu mugore yakatiwe gufungwa amezi 18 nyuma yo guhabwa na biriya byaha 2 ndetse ahagarikwa imyaka 2 adatwara imodoka.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umugabo yafashwe ari gusambana n’indaya ku kiriyo cy’umugore we

Umugabo witwa Luscious Chiturumani wo mu gace ka Gweru mu gihugu cya...
27 October 2020 Yasuwe: 3973 0

Gukunda amafaranga bikabije byatumye umugabo yifotoza yigize nk’umugore...

Umugabo yaciye ibintu ku mbuga nkoranyambaga ubwo yasimburaga umugore we...
26 October 2020 Yasuwe: 2469 0

Indaya yahagaritse akazi nyuma yo kuryamana n’abagabo ibihumbi...

Indaya yari icyamamare mu mujyi wa Nairobi, Sarah Mutero y’imyaka 49...
25 October 2020 Yasuwe: 4551 0

Malawi: Umugabo yafunzwe azira gutwara abana 9 ku igare mu buryo buteje...

Umugabo witwa Mavuto Mussa w’imyaka 40 wo mu cyaro cyitwa Mbenje mu karere...
25 October 2020 Yasuwe: 4037 0

Melania Trump yaciye ibintu hirya no hino ku isi kubera ibyo yakoreye...

Hirya no hino ku isi by’umwihariko ku mbuga nkoranyambaga hari gucaracara...
24 October 2020 Yasuwe: 12609 0

Abagore babiri bafashwe bagiye kugurisha uruhinja ibihumbi 60...

Abagore babiri bo mu gihugu cya Kenya batawe muri yombi ubwo bafatwaga bari...
23 October 2020 Yasuwe: 1362 0