Kigali
dnd

Urukiko rwategetse kompanyi yo mu Bufaransa kwishyura umuryango w’ umukozi wayo wapfuye ari gukorera imibonano mpuzabitsina mu kazi

Ubuzima   Yanditswe na: Dusingizimana Remy 12 September 2019 Yasuwe: 5141

Urukiko rwategetse ko Kompanyi yo mu Bufaransa igomba kuryozwa urupfu rw’umukozi wishwe no guhagarara ko gutera k’umutima we ubwo yarimo gukora imibonano mpuzabitsina n’umuntu utaramenyekanye bari mu rugendo rw’akazi.



Urukiko rwo mu murwa mukuru w’Ubufaransa,Paris rwanzuye ko urupfu rwe ari impanuka yo ku kazi kandi ko umuryango we ugomba guhabwa impozamarira.

Iyo kompanyi yakoreraga yo yari yisobanuye ivuga ko uyu mugabo atari mu kazi yari yatumwe ahubwo yasanze umugore mu cyumba cya hoteli yari arimo batera akabariro katamuguye neza.

Abacamanza bavuze ko nkuko biteganywa n’amategeko y’Ubufaransa, umukoresha ari we wirengera impanuka ibaye ku mukozi ugiriye ibyago mu kazi.

Uwo mugabo, wahawe izina rya Xavier X, yakoraga akazi k’ubu-’ingénieur’ muri kompanyi ya TSO ikora mu bya gari ya moshi iri hafi y’i Paris.

Uyu mugabo yapfiriye muri hoteli mu rugendo rw’akazi mu Bufaransa mu mwaka wa 2013, bitewe n’icyo umukoresha we yise "imibonano mpuzabitsina yo guca inyuma uwo bashakanye akoranye n’umuntu atazi na busa".

Iyo kompanyi yari yanze icyemezo cy’ikigo cy’ubwishingizi mu buzima cya leta y’Ubufaransa cyari cyasabye ko urupfu rw’uwo mukozi rufatwa nk’impanuka yo ku kazi.

Icyo kigo cy’ubwishingizi mu buzima cyashimangiye ko imibonano mpuzabitsina ari ikintu gisanzwe, "cyo kimwe no kujya mu cyumba cyo kogeramo [’douche’] cyangwa gufata ifunguro".

Mu cyemezo cyarwo, urukiko rw’ubujurire rw’i Paris rwashyigikiye ibi byari byavuzwe n’ikigo cy’ubwishingizi mu buzima cya leta.

Urukiko rwavuze ko umukozi uri mu rugendo rw’akazi yemerewe ubwishingizi "mu gihe cyose cy’ubutumwa bwe bw’akazi [’mission’]", hatitawe ku byarubayemo.

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umugore uherutse gutanga akayabo kugira ngo agire igitsina kinini kurusha...

Umugore witwa Mary Magdalene uherutse gutanga akayabo ka miliyoni 76 FRW...
10 December 2019 Yasuwe: 16158 0

Umukinnyi w’imikino njyarugamba yakubiswe igipfunsi umunwa we ucikamo kabiri...

Umukinnyi w’imikino njyarugamba ya UFC witwa Alistair Overeem yahuye n’uruva...
9 December 2019 Yasuwe: 6462 0

Umugabo n’umugore barambiwe gutegereza Gari ya moshi bahita bakorera...

Umugabo n’umugore bagaragaye mu mujyi wa New York muri Leta Zunze Ubumwe...
8 December 2019 Yasuwe: 12587 1

Umugabo yakoze benshi ku mutima kubera ukuntu yihinduye intebe kugira ngo...

Umugabo w’Umushinwa yakoze benshi ku mutima kubera ukuntu yihinduye intebe...
7 December 2019 Yasuwe: 9043 0

Kenya: Umwarimukazi yatwitse inzu ye ubwo yageragezaga kwica inzoka yari...

Umwarimukazi wo mu mashuli abanza utuye ahitwa Kibingoti mu ntara yitwa...
6 December 2019 Yasuwe: 3066 0

Umwana wavukanye umurizo mu mugongo yatangiye gusengwa n’abaturanyi bamwita...

Umwana witwa Shivam Kumar ukomoka mu Buhindi wavukanye umurizo mu mugongo...
5 December 2019 Yasuwe: 5035 0