skol
Kigali
startimes

Urusamagwe rwariye umurinzi warwo arapfa nyuma yo kubura ubutabazi

Ubuzima   Yanditswe na: Dusingizimana Remy 5 July 2020 Yasuwe: 5783

Mu gihugu cy’Ubusuwisi haravugwa inkuru ibabaje y’umugore ucunga ahororerwa inyamaswa wariwe n’urusamagwe yororaga imbere y’aba mukerarugendo bari basuye iki cyanya cyororerwamo inyamaswa mu mujyi wa Zurich.


Nubwo hagikorwa iperereza ku rupfu rw’uyu murinzi w’iki cyanya cy’inyamaswa,abari kumwe nawe bavuze ko yariwe n’uru rusamagwe rwamuriye ubwo yinjiraga aho rwari ruri.

Bagenzi be barinda iyi Zoo bagerageje gutabara uyu mugenzi wabo wri mu mazi abira,ariko uru rusamagwe rwanze kuva ku izima ruramwica.

Uyu mugore w’imyaka 55 yariwe n’uru rusamagwe rwiswe Irina ubwo yinjiraga mu cyanya rwarimo wenyine assize bagenzi be baje kumutabara bakererewe.

Umuvugizi wa Polisi mu mujyi wa Zurich yagize ati “Ikibabaje n’uko ubufasha bwaje butinze.Umugore yapfiriye aho urusamagwe rwamuririye.”

Umuyobozi wa Zoo Zurich witwa Severin Dressen yavuze ko uru rusamagwe rwavutse mu mwaka wa 2015,ruzanwa mu Busuwisi ruvuye mu mu mujyi wa Odense muri Denmark mu mwaka ushize ariko byarangiye rwishe uwarurindaga.

Dressen yihanganishije umuryango w’uyu mugore ati “Twihanganishije cyane umuryango we.”Uyu muyobozi yavuze ko uyu mugore yari amaze igihe kinini akora muri kiriya cyanya cyororerwamo inyamaswa.

Abantu bose babonye uru rusamagwe ruri kurya uyu mugore bahise bajyanwa ku ruhande babaha ubujyanama mu rwego rwo kubarinda ihungabana.

Ntabwo aribwo bwa mbere inyamaswa igiriye nabi umurinzi wa Zoo Zurich kuko mu Ukuboza umwaka ushize,Ingona yafashe ukuboko k’umurinzi.

Uyu murinzi yahise ajyanwa kuvurwa kuko yari yavunitse amagufu y’ukuboko hanyuma iyi ngona iraraswa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umugabo wari umucuruzi ukomeye yapfuye ari gutera akabariro n’umukunzi...

Umugabo w’imyaka 60 wo mu gihugu cya Kenya ahitwa Mombasa yahuye n’uruva...
18 January 2021 Yasuwe: 8220 1

Umukobwa wari utarasoma n’umusore na rimwe yateguye amarushanwa yo gushaka...

Umukobwa witwa M’Lynn Martin w’imyaka 24 yaciye ibintu ku mbuga nkoranyambaga...
18 January 2021 Yasuwe: 6031 0

Amaze amezi 3 yihishe ku kibuga cy’indege kubera gutinya kugenda mu ndege mu...

Umugabo witwa Aditya Singh w’imyaka 36,ukomoka muri Leta ya California muri...
18 January 2021 Yasuwe: 5342 0

Umugore wubatse yasanzwe yapfiriye mu rugo rw’umusore byavugwaga ko...

Umugore wari usanzwe afite umugabo wo mu ntara yitwa Mongu mu gihugu cya...
14 January 2021 Yasuwe: 11230 0

Umugore utwite yaguwe gitumo n’umugabo we muri Hoteli ari kumuca inyuma...

Umugore utwite n’umugabo utari uwe bafatiwe muri Hotel basambaniramo...
14 January 2021 Yasuwe: 14707 0

Umugore yatwitse mu maso umugabo we akoresheje aside nyuma yo...

Umugabo wo mu gihugu cya Kenya witwa Dan Shisia Matakhaya w’imyaka...
12 January 2021 Yasuwe: 10474 1