Amafaranga ni kimwe gituma umuntu akora ibintu bitangaje cyane , umukobwa witwa Samantha Simpson w’imyaka 19, ukomoka Kansas muri USA, yashyingiranywe n’umusaza witwa JR w’imyaka 62 ariko bivugwa ko ari 70 bituma benshi bacika ururondogoro ku mbuga nkoranyambaga,baramwibasira karahava.

Sponsored Ad

Uyu mugore Samantha yavuze ko benshi mu bamukurikira ku mbuga nkoranyambaga bamututse cyane ndetse bita umugabo we mucutse umumpe kubera ikinyuranyo cy’imyaka iri hagati ye na JR.

Samantha yavuze ko uyu mugabo we bahuye afite imyaka 18 ndetse nyuma y’iminsi mike bahise bakundana bemeranya kubana.

Umuryango wa Samantha waramurwanyije ndetse umubuza gushakana n’uyu sekuru ariko abima amatwi ahitamo kwimukira mu nzu ye iherereye ahitwa Berryville muri Arkansas,uyu mugabo we wahawe pansiyo ayimusangamo barashyingiranywa.

Kugeza ubu uyu mukobwa n’uyu musaza ntibari babyara bari gukora ibishoboka byose ngo babashe kubyara dore ko bamaze iminsi babana.

Uyu Samantha yavuze ko iyo ari kugendana n’uyu mugabo we bavuga ngo ni sekuru bikamubabaza cyane ndetse ngo niyo basomaniye mu ruhame bita umugabo we ko asambanya utwana duto bikamutera ikimwaro.