Kigali
startimes

Ya sake yamamaye ubwo yajyanwaga mu rukiko ishinjwa gusakuriza abaturanyi yapfuye

Ubuzima   Yanditswe na: 19 June 2020 Yasuwe: 2700

Isake yitwa Maurice yigeze gutuma nyirayo ajyanwa mu rukiko kubera agasaku kayo iri kubika mu museso, yapfuye ifite imyaka itandatu.



Iyo sake yashyigikiwe n’abantu batandukanye ku isi - ndetse ihinduka ikimenyetso cy’ubukangurambaga buharanira kurinda amajwi yo mu cyaro - ubwo yabaga intandaro y’urubanza rushingiye ku rusaku.

Ariko mu mwaka ushize wa 2019, urukiko rwanzuye ko isake Maurice irengana ndetse ikomeza kwidegembya muri urwo rugo rwo ku kirwa cya Oléron mu burengerazuba bw’Ubufaransa.

Amakuru avuga ko iyo sake yapfuye mu kwezi gushize kwa gatanu, ariko nyirayo atinda gutangaza iyo nkuru.

Radio France Bleu yo muri icyo gihugu isubiramo amagambo ya nyirayo Corinne Fesseau agira ati:

"Naribwiye nti kubera iyi gahunda ya ’guma mu rugo’, abantu basanzwe bafite byinshi bibahangayikishije".

"Twaguze isake yindi kandi nayo twayise Maurice - ibika neza rwose nk’iyo yindi. Ariko ntabwo ishobora gusimbura Maurice wacu".

Ibibazo by’isake Maurice byatangiye ubwo umugore n’umugabo bari mu kiruhuko cy’izabukuru bafite inzu abantu baruhukiramo aho ku kirwa cya Oléron, bashinjaga iyo sake kubabangamira mu kubika kwayo.

Nuko ihita ihinduka nk’icyamamare ukuntu aho mu Bufaransa - aho isake iri mu birango by’igihugu - nyuma inyandiko igamije kuyirengera ishyirwaho imikono n’abantu babarirwa mu bihumbi za mirongo.

Madamu Fesseau, umaze imyaka 35 atuye aho i Oléron, byari kumusaba kwimuka cyangwa agacecekesha isake ye Maurice iyo umucamanza aramuka yanzuye ko koko ifite amakosa.

Ariko mu kwezi kwa cyenda mu mwaka ushize wa 2019, umucamanza yemeranyije na ba nyirayo, ategeka abari bayireze gutanga impozamarira y’ama-euro 900 (ni arenga 900,000 mu mafaranga y’u Rwanda).

Icyo gihe, ibiro ntaramakuru AFP byasubiyemo amagambo ya Madamu Fesseau agira ati:

"Ni intsinzi kuri buri wese wari mu kibazo nk’iki cyanjye. Nizeye ko ibi bizaba intangarugero na bo ntibarenganywe".

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abakozi ba UN bahagaritswe bazira gufatwa amashusho bari gusambanira mu...

Umuryango w’abibumbye (ONU/UN) washyize mu kiruhuko kidahemberwa abakozi...
3 July 2020 Yasuwe: 1645 0

Idubu riherutse gukomeretsa bikabije umwana na se ryakatiwe igihano...

Idubu ryo mu gihugu cy’Ubutaliyani riherutse gukomeretsa bikabije umugabo...
1 July 2020 Yasuwe: 2040 0

Umugore yaciye ibintu hirya no hino kubera kubyarira mu muhanda ku manywa...

Umugore wo muri Amerika witwa Susan Anderson yatunguye benshi kubera...
1 July 2020 Yasuwe: 3129 0

Ubusugi bw’igipupe cyifashishwa mu gutera akabariro bwashyizwe mu cyamunara...

Ikigo gikora ibipupe byifashishwa mu gutera akabariro cyitwa Eve’s Robot...
29 June 2020 Yasuwe: 3878 2

Uwahoze ari inshuti ya Putin yashyize hanze amafoto y’abakobwa be yari...

Uwahoze ari inshuti ya Vladmir Putin yamuhemukiye ashyira hanze amafoto...
25 June 2020 Yasuwe: 6467 2

Umugore yaburiwe irengero nyuma yo gusambanya umwana w’imyaka 10 w’umukunzi...

Polisi yo mu gace kitwa Makueni mu gihugu cya Kenya iri guhiga bukware...
25 June 2020 Yasuwe: 2506 0