skol
Kigali
startimes

Yarohamye mu mugezi yashakaga gukuramo inoti ya $20 yari atayemo

Ubuzima   Yanditswe na: Dusingizimana Remy 7 October 2020 Yasuwe: 3876

Umugabo wo muri Liberia yarohamye ubwo yasimbukaga ava ku iteme ajya mu mugezi wo mu murwa mukuru Monrovia gutoramo inoti y’amadolari 20 y’Amerika (arenga gato 19,000Frw), nkuko bivugwa n’umuvugizi wa polisi Moses Carter.


Tamba Lamine yacururizaga mu muhanda, aba bazwi nk’abazunguzayi.

Yashoboye gutora ayo mafaranga ye ndetse yereka iyo noti abari bamushungereye, ariko ahita arohama arapfa, nkuko umuvugizi wa polisi yabivuze.

Bwana Lamine yari arimo kugenda n’amaguru kuri iryo teme ari kumwe n’inshuti ye ubwo iyo noti yatakaraga.

Yumvise ko agomba gutora iyo noti ye kuko yari guhaho inshuti ye umugabane wayo ungana n’amadolari atanu (arenga gato 4,700Frw).

Bwana Carter yongeyeho ko abo bombi hari ibicuruzwa bari bagurishirije hamwe.

Amadolari y’Amerika arakoreshwa cyane mu bucuruzi hamwe n’amadolari ya Liberia, muri iki gihugu cyo mu burengerazuba bw’Afurika cyashinzwe n’abahoze ari abacakara muri Amerika no muri Caraïbe.

Idolari ry’Amerika rifite agaciro cyane muri Liberia. Rimwe rivunja agera hafi ku madolari 200 ya Liberia.

Mu gihe idolari rya Liberia rikomeje guta agaciro, abaturage ba Liberia bafite amadolari y’Amerika bayakomeyeho, nkuko bivugwa n’umunyamakuru wa BBC Jonathan Paye-Layleh uri i Monrovia.

Bwana Carter yavuze ko umurambo wa Bwana Lamine utaraboneka.

Yarohamye mu mugezi wa Mesurado unyura hagati ya Monrovia n’akarere kahariwe inganda (amahinguriro mu Kirundi) ka Bushrod Island.

Umuvugizi wa polisi yavuze ko abari bashungereye Bwana Lamine bacyetse ko nta kibazo afite ubwo yatoraga iyo noti mu mazi akayibereka, ariko ahita azimira ntiyongera kugaragara.

Kurohama muri uwo mugezi ni ibintu by’imbonekarimwe cyane, ndetse urupfu rwa Bwana Lamine rwashavuje benshi, nkuko umunyamakuru wacu uri yo abivuga.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umugabo yatwikishije umugore we amazi ashyushye amuziza ko yamukanguye ngo...

Umugabo witwa Ali Aye w’imyaka 28 ukomoka mu gihugu cya Turkia yakoze...
20 January 2021 Yasuwe: 4764 0

Umupfumu yateye umugore wa pasiteri inda bitera umujinya abaturanyi...

Umupfumu wo mu gace kitwa Onitsa muri Nigeria ari kuvugwa cyane ku mbuga...
19 January 2021 Yasuwe: 6754 0

Umugabo wari umucuruzi ukomeye yapfuye ari gutera akabariro n’umukunzi...

Umugabo w’imyaka 60 wo mu gihugu cya Kenya ahitwa Mombasa yahuye n’uruva...
18 January 2021 Yasuwe: 8654 1

Umukobwa wari utarasoma n’umusore na rimwe yateguye amarushanwa yo gushaka...

Umukobwa witwa M’Lynn Martin w’imyaka 24 yaciye ibintu ku mbuga nkoranyambaga...
18 January 2021 Yasuwe: 6601 0

Amaze amezi 3 yihishe ku kibuga cy’indege kubera gutinya kugenda mu ndege mu...

Umugabo witwa Aditya Singh w’imyaka 36,ukomoka muri Leta ya California muri...
18 January 2021 Yasuwe: 5813 0

Umugore wubatse yasanzwe yapfiriye mu rugo rw’umusore byavugwaga ko...

Umugore wari usanzwe afite umugabo wo mu ntara yitwa Mongu mu gihugu cya...
14 January 2021 Yasuwe: 11428 0