Kigali

Ni irihe tandukaniro ryaba riri hagati y’urukundo n’imibonano mpuzabitsina?

Ubuzima   Yanditswe na: Martin Munezero 12 February 2019 Yasuwe: 4963

Muri iki gihe abakobwa n’abahungu usanga bitana ba mwana ku birebana n’urukundo, abahungu bamwe ati “abakobwa nta rukundo bagira“, abakobwa nabo ati “abahungu nta rukundo bagira”. Ese kwereka umuhungu cyangwa umukobwa ko umukunda n’uko mubanza gukorana imibonano mpuzabitsina?



Umwari Carine afite imyaka 25 yarangije kaminuza afite n’akazi kamuhemba umushahara utubutse. Yakundanye n’umuhungu bize ku kigo kimwe mu mashuri yisumbuye, ariko nawe ukora akazi kiyubashye, ufite inzu n’imodoka.

Umwari yakunze Kamali amuha umutima we wose barasohokana amwereka umuryango, iwabo wa Kamali bashima uwwari kuzababera umukazana kubera umuco n’ikinyabupfura bamubonanaga.

Umunsi Umwari atazibagirwa mu buzima bwe ni umunsi Kamali yamusohokanye ku Gisenyi. Igihe cyo gutaha kigeze bajya mu modoka ya Kamali, bagenze urugendo rw’iminota 5 Kamali ariyamira ati: “Iyi modoka ndabona ifite ikibazo ntitugezayo”. Umwari nawe kuko yabonaga bwahumanye amugira inama yuko bareba aho bacumbika bwacya bagashaka umukanishi.

Baragiye bageze muri hoteli, aho ku Gisenyi, Umwari wari wamaze no kunanirwa kubera urugendo, yicara ku ntebe yari hafi aho, Kamali nawe yegera aho basabira amacumbi, arangije kwishyura abwira umukunzi we ko yaza bakajya kuryama. Umwari yahagurutse aziko buri wese afite icye cyumba, bageze mu cyumba babanza kuganira, umwari agezaho asaba Kamali ko yajya mu cyumba cye bakaruhuka kubera ko bari kubyuka kare bataha.

Kamali yahindukiriye Umwari amubaza ikibazo cyamuteye ubwoba ati: “Umwari wanjye ndashaka ko umbwiza ukuri, urankunda?” Undi yarasetse amusubiza yitonze ati “urabizi ko ngukunda”. Yongera ku mubaza bwa kabiri amusaba ko yamwereka uburyo amukunda yemera ko bakora imibonano mpuzabitsina.

Umwari yarahakanye aratsemba, amubwira ko bazabonana umunsi bazarushinga bakabana nk’umugore n’umugabo, Kamali nawe n’umujinya mwinshi ahita ahaguruka ati: ”Ibyanjye nawe birangiriye aha kuko igihe wambeshyeye ko unkunda kirahagije,urabeho kandi ndatashye”.

Umwari yagize ngo arikinira, abona undi arasohotse agiye mu modoka aragenda. Umwari yibaza ukuntu yamubwiye ko imodoka irwaye biramushobera, yaraye aho ngaho arara arira bukeye arataha, urukundo rwabo rushirira aho.

Iki ni igitekerezo. Wowe ugendeye kuri iyi nkuru ubitekerezaho iki? Ese koko urukundo rugaragazwa no gukora imibonano mpuzabitsina hagati y’abakundanye batarashakana?

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble İSange Eric santos

    İbyo Abakobwa babikora nibacye Ahubwo uwo mukobwa nintwari kbx!!!cyereka nawe niba yarabikoze bimutunguye

    4 months ago
  • chat_bubble KANANI ERIC

    Erega hari impungege abahungu tugira ,hari igihe umukobwa agukanira kutyo kdi aryamana nabandi ufite amakuru,atashaka ko umuvumbura kare ,wamara kumushaka akakubaza ko woe uri imanzi,ugasanga ukwezi kwabuki ni imiguruko, ibyiza nagira abakobwa nuko yabyemara bagashakana baziranye umwe yarakire undi(barakiranye).

    5 months ago
  • chat_bubble Johnny C5

    Ndumva bitagomba kuba ngombwa ngo wambarire ubusa Umuntu ngo Nibwo amenyako umukunda kuko birangira Nubundi aciyeho

    12 February
  • chat_bubble

    Habana mumutwe ntihabana mugistina .

    12 February
  • chat_bubble

    egawangu birashika abahungutugashuha vyahatar kuburyowunvako mwabikora yakwankira nawewunvawabikeney ugatamwokumuhba

    12 February

Inzindi nkuru

Umusore yakoze benshi ku mutima kubera gushyingiranwa n’umukunzi we ubana...

Umugabo wo muri Afurika y’Epfo witwa Rofhiewa Makwarela yatumye benshi...
18 November 2019 Yasuwe: 7973 0

Myugariro Usengimana Faustin yakoze ubukwe bw’igitangaza na Bayingana bari...

Myugariro Usengimana Faustin wazamukiye mu ikipe ya Rayon Sports ariko kuri...
17 November 2019 Yasuwe: 6277 0

Myugariro Usengimana Faustin yasabye anakwa inkumi bamaze imyaka 10...

Myugariro Usengimana Faustin ukinira Buldcon FC yo muri Zambia, yaraye...
12 November 2019 Yasuwe: 5927 0

Reba abanyarwanda bateye ivi bigatangaza benshi ndetse bigateza...

Mbere y’uko umusore n’umukobwa bakora ubukwe cyangwa ngo bajye kwiyerekana...
9 November 2019 Yasuwe: 9496 2

Fabrice umukinnyi w’ikipe ya Espoir Basketball Club yatunguye umukunzi we...

Rukundo Fabrice, umukinnyi w’ikipe ya Espoir Basketball Club, yatunguriye...
1 November 2019 Yasuwe: 7629 0

Kimenyi Yves yahishuye uwamuhuje na Miss Muyango

Kimenyi Yves yavuze ko mubyara we ariwe wabahuje n’umukunzi we...
14 October 2019 Yasuwe: 8181 3