Kigali

Abana batatu batarengeje imyaka 15 bibye imodoka bafatwa bamaze kuyirenza ibirometero 900

Udushya   Yanditswe na: Dusingizimana Remy 16 July 2019 Yasuwe: 2892

Abana bane bafashe imodoka irimo amafaranga n’indobani maze, mu buryo bunyuranyije n’amategeko, bayitwara kilometero zirenga 900 muri Australia nk’uko polisi ibivuga.

Abahungu batatu n’umukobwa umwe bose bafite imyaka hagati ya 10 na 14, babasanze mu mujyi wa New South Wales uri mu gace ka Grafton ku cyumweru,taliki ya 14 Nyakanga 2019.

Bari bahagurutse ahitwa Gracemere muri Queensland mu ntangiriro ya ’week end’. Bivugwa ko umuhungu umwe muri aba bana yari yandikiye akandiko iwabo ko agiye.

Aba bana bose si abo mu muryango umwe, gusa bibye iyi modoka y’ababyeyi b’umwe muri bo nk’uko abategetsi babivuga.

Ku cyumweru kare, bamaze kugenda kilometero 140, bahagaze kuri ’station’ ngo imodoka inywe amavuta mu mujyi wa Banana, bivugwa ko ayo mavuta bayibye.

Umukozi kuri iyi ’station’ yabwiye ikinyamakaru Daily Telegraph cy’i Sydney muri Australia ko videwo ya camera z’umutekano yerekana imodoka yinjira igenda bisanzwe, umuntu akavamo akanywesha.

Uyu mukozi kuri ’station’ agira ati: "Yari umuntu mugufi rwose. Wabonaga binamugoye kugera ku idirishya".

Ku mugoroba w’uwo munsi, polisi yabonye iyi modoka ahitwa Glen Innes mu mujyi wo mu gace ka Grafton - rayikurikira. Gusa bageze aho bahagarika kuyikurikira kubera imyaka y’abayitwaye.

Polisi ivuga ko iyi modoka yaje guhagarara ku muhanda muri Grafton, bagasangamo aba bana bikingiranye, igakoresha imbaraga mu kuyifungura ikabata muri yombi.

Darren Williams, umupolisi muri Grafton, yabwiye igitangazamakuru Australian Broadcasting Corporation ko babona ko aba bana bagiye bakuranwa gutwara kuko urugendo bakoze ubusanzwe rufata amasaha 10.

Yagize ati: "Ni urugendo rurerure, ni urugendo rukomeye ku muntu ukiri muto".
Polisi ivuga ko aba bana baza guhatwa ibibazo ababyeyi babo nibagera muri aka gace bafatiwemo.

Muri iki gihugu, umuntu yemererwa uruhushya rwo gutwara imodoka afite nibura imyaka 17.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bwa mbere mu mateka ya Koreya y’epfo hagaragaye umunyamideli wa mbere...

Koreya ni kimwe mu bihugu bikunze kugaragaraho ironda ruhu ndetse...
19 October 2019 Yasuwe: 1973 0

Yakase igitsina cya mugenzi we nyuma yo kumugwa gitumo mu nzira ari...

Mu gihugu cya Ukraine umugabo yakase igitsina cy’umugabo mugenzi we amuziza...
19 October 2019 Yasuwe: 2127 0

Padiri yakubise inkoni nyinshi umugore ubwo yageragezaga kumukuramo...

Umupadiri wo mu Buhinde mu gace kitwa Karnataka yagaragaye ari guhondagura...
18 October 2019 Yasuwe: 4197 1

Reba amafoto menshi adasanzwe yavugishije abantu cyane muri weekend...

Aya ni amwe mu mafoto y’ahayuranye muri Afurika cyangwa abanyafurika ahandi...
18 October 2019 Yasuwe: 7613 0

Micheal yatawe muri yombi nyuma yo gusambanya injangwe

Michael Navage w’imyaka 40 yatawe muri yombi na Polisi nyuma yo gushinjwa...
18 October 2019 Yasuwe: 2336 1

Umugore yiyemeje gushyingiranwa n’indege amaze imyaka 5 akunda urukundo...

Umugore witwa Michele Köbke ukomoka mu mujyi wa Berlin mu budage yavuze ko...
17 October 2019 Yasuwe: 4062 0