Kigali

Ibikona bitandatu byatsindiye akazi ko gusukura pariki

Udushya   Yanditswe na: Nsanzimana Ernest 11 August 2018 Yasuwe: 4092

Pariki yo mu Bufaransa yatangaje ko igiye guha akazi ibikona bitandatu "bizi ubwenge" ko gutoragura umwanda no gusukura imbuga yo muri iyi pariki.

Ibi bikona byo muri pariki ya Puy du Fou mu burengerezuba bw’Ubufaransa, byigishijwe gutora ibisigazwa by’itabi rizwi nk’isegereti ndetse n’utundi tucogocogo tw’umwanda.
Nyuma yaho ibi bikona bijyana uyu mwanda kuwujugunya mu gasanduku gato gahita gafunguka kakabiha ibiryo nk’igihembo ku kazi gakomeye biba byakoze.

BBC yatangaje ko iby’inkwakuzi byamaze gutangira akazi kabyo muri iyi pariki, mu gihe ibindi byo bizatangira aka kazi ku wa mbere.

Nicolas de Villiers, umuyobozi w’iyi pariki, yabwiye ibiro ntaramakuru AFP ko gusukura pariki atari ko kazi konyine ibi bikona bizakora.

Yagize ati: "Ikigamijwe si ugusukura gusa - kuko abashyitsi bacu muri rusange barigengesera cyane ku kijyanye n’isuku ntibagire ibyo bagenda bajugunyanga."

Yavuze ko ahubwo ari n’uburyo bwo kwerekana ukuntu "ibidukikije ubwabyo bishobora kutwigisha uburyo bwo kwita ku bidukikije."

Yongeyeho ko ibikona byo muri ubu bwoko "bizi ubwenge by’umwihariko" ndetse bikaba "bikunda gushyikirana n’abantu bikagirana umubano nabo ushingiye ku gukina."

Muri 2016, umushakashatsi mu bijyanye n’ ibidukikije wo mu gihugu cya Australia Darryl Jones yatangarije France24 ko igikona ari inyamaswa izi ubwenge uretse ko itinya abantu. Yavuze ko igikona kitajya kibagirwa.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble SONGA DA SYLVA

    ibi niba ari ukuri birakwiye ko inyamaswa zitozwa ndetse niwacu bikahagera

    2 months ago

Inzindi nkuru

Umubyeyi wangiritse bikomeye umugongo ari gutabara umwana we yakoze benshi...

Umugore witwa Fiona Simpson yakoze benshi mu bamubonye ku mutima kubera...
18 October 2018 Yasuwe: 2493 0

Umugabo yabeshye ko yapfuye bigatuma umugore we yica abana be babiri nawe...

Umugabo yabeshye umuryango we ko yapfuye bituma umugore we avutsa ubuzima...
18 October 2018 Yasuwe: 694 0

Mu bihe bitandukanye ibicu byagiye byikoramo Afurika [AMAFOTO]

Abahanga mu gufata amafoto atangaje mu bihe bitandukanye bafotoye amafoto...
18 October 2018 Yasuwe: 1294 0

Umukobwa yangijwe bikomeye n’umukunzi we amuhoye ko yanze ko bakora...

Umukobwa witwa Coral Halson w’imyaka 23,yakubiswe bikomeye n’umukunzi we...
17 October 2018 Yasuwe: 2421 0

Umugore yahaye igihano gitangaje umugabo we nyuma yo kumufata ari kumuca...

Umugore witwa Tammy Moorer ukomoka muri Leta ya Carolina y’Amajyepfo muri...
17 October 2018 Yasuwe: 3968 0

Muri Uganda umugabo yabeshye abantu ko umuhungu we yapfuye barebye mu...

Mu gihugu cya Uganda ahitwa Lusaaka, mu Karere ka Kalisiizo Kyotera habaye...
17 October 2018 Yasuwe: 2093 0