Ikipe yitwa Club Esportiu Llanca yakinaga mu cyiciro cya 3 muri Espagne yishimiye kuzamuka mu cyiciro cya kabiri mu buryo budasanzwe izana umumansuzi mu rwambariro abyina yambaye utwenda tw’imbere gusa bibabaza benshi mu bakunzi ba ruhago.

Sponsored Ad

Club Esportiu Llanca yababaje benshi mu babonye aya mashusho y’uyu mukobwa wababyiniye yambaye ubusa byatumye bamwe bayituka cyane abandi basaba abashinzwe umupira w’amaguru kuyifatira ibihano.

Bamwe mu bakunzi ba ruhago bavuze ko ibyo Club Esportiu Llanca yakoze ari ugutesha agaciro umugore kuko ngo bamuzanye nk’igikinisho cyo kwinezeza cyane ko bamwe bamumenagaho champagne abandi baramukorakora.

Club Esportiu Llanca yishyuye uyu mumansuzi ngo aze kubyinira abakinnyi mu rwambariro rwabo yambaye utwenda tw’imbere nyuma yo kuzamuka mu cyiciro cya kabiri ivuye mu cya 3 mu ntara ya Catalunya.

Ikipe ya Club Esportiu Llanca ikimara kubona ko byababaje benshi yahise ishyira hanze itangazo risaba imbabazi ku mbuga nkoranyambaga zayo zose,abantu bakomerekejwe n’aya mashusho.