Umugore witwa Bhuran Devi w’imyaka 59 ukomoka mu Buhindi yahuye n’uruva gusenya ubwo yari yibereye mu ishyamba aterwa n’inkende ziramuruma ava amaraso menshi arapfa.

Sponsored Ad

Uyu mugore ntiyahiriwe ubwo yari mu ishyamba ryo hafi y’iwe mu mujyi wa Agra kuwa mbere w’iki cyumweru saa tanu z’amanywa,itsinda ry’izi nkende riramutera riramuruma arapfa.

Abagize umuryango w’uyu mugore bamusanze mu ishyamba ari kuvirirana,bamujyana kwa muganga gusa yari yamaze gupfa kare kubera ko amaraso yari yamushizemo.

Abaturanyi b’uyu mugore bahise bajya kubwira polisi iby’urupfu rw’uyu mugore bituma benshi bifatira ku gahanga abashinzwe kurinda inyamaswa bababuza kuzica kandi zigiye kumara abantu.

Mu minsi ishize inkende yinjiye mu nzu y’umugore warimo yonsa umwana wari umaze iminsi 12 avutse muri aka gace,iramumwambura imujyana hejuru y’inzu iramwica.

Izi nkende zikomeje kwica abantu ndetse benshi bari kwimuka muri aka gace kugira ngo bahunge izi nkende zakamejeje.