Kigali

Kigali: Umusore akora udukoryo tudasanzwe turimo gutwara moto ayihagaze ku mahembe

Udushya   Yanditswe na: Muhire Jason 2 September 2018 Yasuwe: 3034

Hababajintwari David, amaze kwandika izina mu gutwara moto bitewe n’udukoryo tudasanzwe ayikoraho ndetse no kuyitwara mu buryo benshi bavuga ko ari amayobera.

Uyu musore w’imyaka 23 uvuka i Kabuga mu Murenge wa Rusororo mu Karere Gasabo, ubusanzwe ni umumotari ukorera mu bice by’Umujyi wa Kigali.

Afite umwihariko wo gutwara moto mu buryo budasanzwe ayihagaze ku mahembe, ayiryamyeho, atayifashe ndetse hari n’ubwo ayigurutsa ikagendera mu kirere.

Ashobora kuyivaho ikijyana akayirukaho, akayitwara yipfutse mu maso cyangwa akayitwara ibirometero byinshi ayihagazeho kandi areba inyuma. Ni ubuhanga budasanzwe benshi bemeza ko akoreshwa n’izindi mbaraga zirimo n’iz’amagini.

Hababajintwari yahishuye ko udushya agira mu gutwara moto nta muntu watumwigishije ahubwo ari impano karemano Imana yamwihereye.

Avuga ko nyuma yo kuvumbura uburyo bwo kuba yava kuri moto ikitwara no kuyihagararaho, hari ubundi buryo butandukanye yagiye avumbura.

Ati “Ubu nshobora gushinga umutwe kuri moto amaguru ari mu kirere moto ikijyana, nshobora no guterura umuntu w’ibiro 40 cyangwa 50, nkahagarara ku mahembe tukagenda dusangira fanta moto igenda ntayifashe.”

Avuga ko agifite imbogamizi z’uburyo yakomeza kubyaza umusaruro impano ze, agasaba abagiraneza n’abashoramari kumufasha kugira ngo arusheho kuvumbura byinshi.

Ati “Nk’ubu mfite nka moto ya siporo nakora ibintu bidasanzwe kuko Abanyarwanda benshi bo bagira ngo ibyo tubona abanyamahanga bakora kuri za televiziyo twe ntitwabishobora kandi byose birashoboka”.

Impano yo gutwara moto mu buryo budasanzwe yamaze no gutangira kuyigisha abandi, ku buryo ubu afite abanyeshuri bagera kuri 40 yatangiye kuvungurira kuri ubwo bumenyi agenda yunguka umunsi ku wundi.

REBA AMAFOTO:



Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umugabo yaciye umutwe umugore we amuhoye kumugaburira ibiryo...

Umugabo w’imyaka 43 ukomoka mu Burusiya yatawe muri yombi nyuma yo kwica...
18 January 2019 Yasuwe: 456 0

Umugore yatwitse umugabo we amuziza kumwima umubare w’ibanga ufungura...

Umugore n’umugabo bakomoka muri Indonesia barwanye bapfa umubare w’ibanga wa...
18 January 2019 Yasuwe: 1815 0

Hashyizweho akayabo k’amafaranga ku muntu uzafata uwishe iyi mbwa yafashaga...

Texas hashyizweho igihembo kumuntu wafata umwicanyi wishe Imbwa yafashaga...
17 January 2019 Yasuwe: 2895 0

Umukecuru yafashwe yahishe udusimba tumeze nk’ imbeba 24 munsi y’amaguru ye...

Umugore w’Umushinwa witwa Wu yakoze agashya afatirwa ku mupaka w’Ubushinwa na...
17 January 2019 Yasuwe: 2533 0

Amabere y’umugore yakomeye aba nk’urutare nyuma yo kwibagisha ashaka...

Umugore w’Umwongereza witwa Danielle yahuye n’uruva gusenya kubera ko nyuma...
17 January 2019 Yasuwe: 2135 0

Umugore yamize ipaki y’ibinini ayimarana iminsi 17 mu muhogo

Umugore wo muri Irlande y’Amajyaruguru yahuye n’uruva gusenya ubwo yamiraga...
17 January 2019 Yasuwe: 1514 0