Kigali

Ku myaka 130 y’amavuko uyu mukecuru aravuga ko yimwe na leta ingoboka y’abageze mu izabukuru[AMAFOTO]

Udushya   Yanditswe na: Martin Munezero 26 October 2018 Yasuwe: 2471

Umukecuru uvuga ko afite imyaka 130 y’amavuko yanze guhabwa ingoboka igenewe abageze mu za bukuru itangwa na leta ya Uganda nyuma yo kubura indangamuntu yemewe n’amategeko.

Uyu mukecuru witwa Kelementina Akullo wo mu kagari ka gaherereye mu mujyi wa Dokolo, avuga ko yitabwaho n’umukazana we w’imyaka 95 witwa Beregita Adul.

Akullo avuga ko agitegereje ko abayobozi b’akarere atuyemo bamuvuganira kugira ngo ahabwe ubufasha.

Avuga ko amaze kujya ku biro bishinzwe indangamuntu incuro eshatu kugira ngo afotorwe, gusa bikarangira mudasobwa itamenye isura ye kubera iza bukuru.

Uyu mukazana we yagize ati” Twagerageje kenshi kureba niba Akullo yabona indangamuntu, gusa isura ye yanze kumenyekana. Ibi byatumye ducika intege mu rugendo rwo kumushakira indangamuntu.”

Amwe mu mabwiriza agenga imitangire y’iyi ngoboka ni uko uwemerewe kuyifata agomba kuba afite indangamuntu yemewe n’amategeko. Iri bwiriza ryashyizweho nyuma yo gusanga hari ababeshya imyaka kugira ngo bagobokwe na Leta ya Uganda.

Adul akomeza avuga ko bitumvikana ukuntu ku myaka 95 agobokwa na leta, mu gihe nyirabukwe ufite 130 atagira icyo ahabwa kubera kubura indangamuntu.

Nyuma yo kumenya ibizazane by’uyu mukecuru, George William Omuge uyobora akarere ka Dokolo yahise ategeka Judith Amuge ushinzwe iterambere n’imibereho myiza y’abaturage kwita ku kibazo cy’uyu mukecuru kugira ngo mu kiciro gitaha na we azagobokwe.

Omuge avuga ko kuba mudasobwa ataramenye isura y’uyu mukecuru atari byo byamubuza guhabwa ingoboka, ngo kuko ikibazo cye ari umwihariko bityo kikaba gikeneye kwitonderwa.

Akullo yaba ari we ukuze kurusha abandi ku isi?

Umukuru w’umudugudu wa Amuli Nelson Ayor Opige usanzwe ari umuturanyi wa Akullo banasangiye ubwoko bw’aba Okide, avuga ko amakuru agaragaza ko Akullo yavukiye ahitwa Anyomoli mu 1888.

Mu gihe imyaka ya Akullo yaba yemewe n’amategeko, yamugira umuntu wa mbere ukiriho ukuze kurusha abandi ku isi. Bivuze ko yaba arusha imyaka 15 y’amavuko Kane Tanaka ukomoka mu Buyapani ufatwa nk’uwa mbereukuze kurusha abandi. Yaba aruta kandi Umufaransa Jeaane Clement ufatwa nk’uwamaze igihe kinini, uyu akaba yarapfuye mu 1997 afite imyaka 122.

Kelementina Akullo uri ibumoso na Beregita Adul, umukazana we w’imyaka 95 y’amavuko.

Cyakora hari n’undi musaza wo muri Uganda witwa Yohana Ahuruma na we ushobora kuba arenze aba bose twavuze. Ahuruma wo mu karere ka Budibugyo mu burengerazuba bwa Uganda avuga ko yavutse mu 1895, bikaba byumvikana ko amaze imyaka 133 avutse.

Yohana Ahuruma, umusaza uvuga ko afite imyaka 130.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umugore wo muri Nigeria yafungiwe mu Bwongereza azira kuroga umugabo we...

Polisi yo muri UK yataye muri yombi umugore w’umunya Nigeria wakoresheje...
21 March 2019 Yasuwe: 7184 1

Umugore yakase ijosi umwana we amuziza ko umugabo we amukunda...

Umugore w’imyaka 21 ukomoka muri Ukraine yagiriye ishyari umwana we...
21 March 2019 Yasuwe: 3963 0

Umukecuru w’imyaka 104 yatunguye benshi kubera icyifuzo gisekeje yasabye ko...

Umukecuru witwa Anne Brokenbrow ukomoka mu Bwongereza yatunguye benshi mu...
21 March 2019 Yasuwe: 7276 2

Umugore yasize umwana we mu modoka agiye gusambana na Boss we agarutse...

Umupolisikazi witwa Cassie Hope Barker w’imyaka 29,ukomoka muri USA yakatiwe...
19 March 2019 Yasuwe: 10076 1

Ishusho y’akana Yezu yagaragaye iri kurira amaraso mu mujyi wa...

Ishusho abanya Mexico bita akana Yezu yagaragaye iri kurira amarira menshi...
19 March 2019 Yasuwe: 5531 1

Umugenzi w’umuyisilamu yashwanye n’umukozi wo mu ndege wamwibasiriye ubwo...

Umugabo witwa Adil Kayani, w’umuyisilamu yaketswe ko agiye gukora amahano...
18 March 2019 Yasuwe: 7229 3