Kigali

Mukerarugendo yataye umwana we w’umwaka umwe mu nyanja kubera umujinya yatewe n’umugore we wamutaye akigira mu kabyiniro [AMAFOTO]

Udushya   Yanditswe na: Dusingizimana Remy 12 March 2019 Yasuwe: 2927

Umugabo witwa Nabil Salman Zureikat ukomoka mu gihugu cya Jordan yakoze amahano afata umwana we w’umuhungu w’umwaka umwe ajya kumuta mu nyanjya kubera umujinya yatewe n’umugore we wamumusigiye akigira mu kirori.

Uyu mugabo yari yatembereye mu gihugu cya Thailand n’umugore we n’uyu mwana wabo w’umwaka umwe,bahageze uyu mugore aramutoroka amusigira uyu umwana yigira mu kabari,biramubabaza niko gusunika akamodoka bamuhekagamo ajya kumuta mu Nyanja.

Uyu Nabil w’imyaka 52 yagize umujinya mwinshi ubwo umugore we yamusigaga we n’umwana w’umwaka umwe mu gace bari basohokeyemo kitwa Pattaya muri Thailand,akajya kwirira ubuzima niko kwihekura.

Nabil akimara kuroha umwana we mu Nyanja yahise afata inzira yerekeza ku kibuga cy’indege kugira ngo asubire iwabo muri Jordan,ntibyamuhira kuko yahise atabwa muri yombi kubera iki cyaha cyo kwica umwana we.

Abaturage babonye umurambo w’uyu mwana uri kureremba hejuru y’amazi bahita babimenyesha polisi niko gutangira guhigisha uruhindu se cyane ko yari amaze kumenyekana.

Aba baturage bagize ngo ni igipupe kiri kureremba hejuru y’amazi barebye basanga n’umwana w’umuhungu niko guhita babimenyesha polisi ihita itangira guhiga Nabil imufatira ku kibuga cy’indege.

Nabil yahise afungirwa ku kibuga cy’indege cya Suvarnabhumi giherereye mu mujyi wa Bangkok mbere yo kumusubiza ku mucanga wa Pattaya aho yiciye uyu mwana we yaziritse mu kamodoka bamutwaragamo akamuta mu Nyanja.

Polisi yavuze ko uyu mwana basanze yaraziritswe ukuguru ku kamodoka yahekwagamo ndetse ngo uyu mugabo yababwiye ko yihekuye kubera ko umugore we yarenze ku masezerano bari baragiranye ko ariwe uzita ku mwana yarangiza akamumusigira akajya mu kabari wenyine.



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Reba umukobwa wacitse amaboko ukomeje gutangaza benshi bitewe nibyo...

Donavia Walker yacitse amaboko afite ubushobozi bwo gukora byinshi...
26 March 2019 Yasuwe: 1422 0

Umusore w’umunyafurika yakoze ubukwe bwatangaje benshi n’umukecuru w’umuzungu...

Mu gihe abantu benshi bakizera ko urukundo ari impumyi kuko bagenda babona...
26 March 2019 Yasuwe: 2699 0

Abagabo babiri basiganwa kuri moto bagonganiye mu irushanwa baterana...

Abagabo babiri bari mu isiganwa mu gihugu cya Costa Rica barwanye karahava...
25 March 2019 Yasuwe: 3659 0

Abakecuru bo mu Bwongereza bashiriye muri Gambia bashaka abapfubuzi...

Abakecuru bo mu bwongereza bari kwisuka muri Gambia ku bwinshi bagiye...
25 March 2019 Yasuwe: 9900 0

Umupilote yapfuye ubwo yashakaga kugongesha indege umugore we wari utwite...

Umupilote witwa Charl Viljoen, ukomoka muri Afurika y’Epfo yahitanywe...
25 March 2019 Yasuwe: 5112 1

Umusore w’umuherwe ubana n’abakobwa batagira umubare n’indege zihenze cyane...

Umusore witwa Bobby Misner usanzwe ari uw’umuherwe witwa Tom Misner,...
25 March 2019 Yasuwe: 7506 4