Kigali

Pasiteri Bushiri ngo yasenze akora ibitangaza ahamagara abamarayika bagaragara mu rusengero

Udushya   Yanditswe na: Martin Munezero 21 February 2019 Yasuwe: 5307

Umuhanuzi Pasiteri Bushiri amaze kumenyekana cyane muri Afurika ndetse ni umwe mu baherwe batunze amamiliyari bakiri bato. Yigeze gusenga abamalayika bagaragara mu rusengero ndetse abayoboke be bamwizera nk’ umuhanuzi wavuye ku Mana ukiza indwara ariko hari n’ abamubona mu ishusho y’ abapasiteri banyunyuza imitungo y’ abaturage ngo babyibushye amakofi yabo.

Uyu mugabo w’umuherwe ukomoka muri Malawi amaze kwigarurira abatari bake kubera ibitangaza akora harimo gukiza indwara ndetse no kuba yarigeze guhamagara abamarayika bakaza mu rusengero.

N’ubwo bimeze gutya ariko Pastor Bushiri ntiyorohewe muri iyi minsi aho ari gushinjwa gusambanya abagore bo mu itorero rye ndetse no kunyereza umutungo ibi bikaba biri gukurikiranwa n’inkiko zo muri Afurika y’epfo aho itorero rye ryitwa Enlightened Christian Gathering rifite ikicaro. Gusa Bushiri we avuga ko ari amashyari kuko amaze gutera imbere.

Iyi niyo Foto yasakajwe bivugwa ko Pasiteri Bushiri yasenze abamarayika baza mu rusengero

Si ibyo gusa kandi kuko n’iby’abamarayika byaje kunyomozwa n’umwe mu bahoze bamukorera avuga ko ari we wakoze amashusho yasakajwe ahantu hose agaragaramo ibisa n’abamarayika aho yagize ati: "Nta mumarayika wari uhari rwose. Ibyo ni ikinyoma cyambaye ubusa. Ariya mashusho yarashinduwe maze hogerwamo ibintu bituma abantu bakeka ko ari abamarayika. Iyo uyarebye neza witonze, ubona ko abantu bari bicaye iruhande rw’abo bamarayika nta kintu kidasanzwe baba babona imbere cyangwa iruhande rwabo kuko ntacyari gihari. Mfite amashusho atarahinduwe nzayabaha murebe itandukaniro".

Uyu mugabo witwa Phedro yanongeyeho ko ababazwa cyane n’ukuntu uyu mupasiteri yirirwa annyega abakiririsitu be bamwizera bitarabaho ku buryo banasenya inzu zabo bakajya kuba mu muhanda aramutse abibasabye. Gusa ngo bashatse babibona ko ababeshya ariko ngo ntibashaka gutekereza cyangwa kureba ibiba.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Shami washakaga ko bamwongerera ikibuno yatanze ubuhamya bukomeye

"Brazilian butt lift" (BBL) ni uburyo buzwi cyane muri Brazil, n’ahandi ku...
19 May 2019 Yasuwe: 3792 0

Imbwa yagonzwe na Moto ikangirika isura mu buryo bukomeye yongeye...

Abavuzi b’inyamaswa bongeye gusubiranya isura y’imbwa bayirokorera ubuzima...
19 May 2019 Yasuwe: 2618 0

Umugabo n’umugore baciye ibintu kubera ukuntu basomanye mu buryo...

Umugabo witwa Jean na Camille bakomoka mu mujyi wa Brussels mu Bubiligi...
18 May 2019 Yasuwe: 5702 0

Umugore utwara indege nta maboko agira yahaye impanuro ikomeye abatuye...

Umunyamerikakazi witwa Jessica Cox ukomoka muri Arizona yakoze amateka yo...
18 May 2019 Yasuwe: 3714 0

Thailand: Imbwa yavunitse ukuguru yatabaye uruhinja rwashyinguwe ari ruzima...

Imbwa yitwa Ping Pong ikomoka mu gihugu cya Thailand yabaye icyamamare...
18 May 2019 Yasuwe: 4679 0

Umuhanuzi yatwikiye buji ku mutwe w’umugabo ashya umutwe wose amubwira ko...

Umugabo witwa Maybin Mbuzi ukomoka mu gace kitwa Katete muri Zambia...
17 May 2019 Yasuwe: 4552 1