Umusore w’imyaka 21 witwa Kwizera Evariste yakoze ibyo benshi batatekerezaga asezerana n’umukunzi we Mukaperezida Clotilde umurusha imyaka 27 mu bukwe bw’igitangaza bwahuruje benshi mu karere ka Rwamagana.

Sponsored Ad

Kwizera Evariste w’imyaka 21 wo mu karere ka Rwamagana warangije amashuli yisumbuye mu ishami rya Computer Science yasezerenye na Mukaperezida Clotilde umurusha imyaka 27 kuri uyu wa Kane taliki ya 31 Mutarama 2019 mu muhango wabereye mu Murenge wa Musha.

Kwizera Evariste na Mukaperezida Colotilde bamaze iminsi baca ibintu ku mbuga nkoranyambaga kubera uru rukundo rwabo rutangaje rwari rumenyerewe mu bazungu.Kwizera afite imyaka 21 mu gihe umugore we Mukaperezida afite imyaka 48.

Kwizera yavuze ko yagowe bikomeye no gutereta Mukaperezida kuko yamaze amezi 6 amusura,amusohokana kenshi kugira ngo amutware umutima. Ndetse ngo yigeze afata ibihumbi 40 ku mafaranga y’ishuli kugira ngo amusohakane muri Hoteli.

Uyu musore yavuze ko Mukaperezida yanze abagabo benshi bamwirukagaho amuha ikibanza mu mutima we bityo abantu badakwiriye kumuharabikira umukunzi bavuga ngo yaramuroze.