Tanzania yahaye iminsi 7 ishami ry’umuryango w’abibumbye ryita ku mpunzi, HCR, ngo ribe ryamaze gutahukana impunzi z’Abarundi zishaka gutaha, bitaba ibyo abategetsi ba Tanzania bakabyikorera.
Mwigulu Nchemba, Minisitiri w’ubutegetsi bw’igihugu wa Tanzania, yatanze icyo gihe ntarengwa ku munsi w’ejo ubwo yasuraga inkambi ya Nduta iri mu burengerazuba bwa Tanzania.
Mu karere, Tanzania ni cyo gihugu cyakiriye umubare munini w’impunzi z’Abarundi. Zigera hafi ku bihumbi 250.
Bwana Nchemba arega HCR (...)

Sponsored Ad

Tanzania yahaye iminsi 7 ishami ry’umuryango w’abibumbye ryita ku mpunzi, HCR, ngo ribe ryamaze gutahukana impunzi z’Abarundi zishaka gutaha, bitaba ibyo abategetsi ba Tanzania bakabyikorera.

Mwigulu Nchemba, Minisitiri w’ubutegetsi bw’igihugu wa Tanzania, yatanze icyo gihe ntarengwa ku munsi w’ejo ubwo yasuraga inkambi ya Nduta iri mu burengerazuba bwa Tanzania.

Mu karere, Tanzania ni cyo gihugu cyakiriye umubare munini w’impunzi z’Abarundi. Zigera hafi ku bihumbi 250.

Bwana Nchemba arega HCR gutinza gucyura impunzi, akavuga ko benshi mu mpunzi z’Abarundi bafite ubushake bwo gusubira iwabo.HCR ntacyo iratangaza.

Mu nkambi ya Nduta yasuwe na Minisitiri Nchemba, abarenga ibihumbi 8 mu mpunzi 126 740 ziba muri iyo nkambi, bivugwa ko bamaze kwiyandikisha bashaka gutaha.

Leta ya Tanzania itanze iki gihe ntarengwa nyuma y’ukwezi Perezida Pierre Nkurunziza w’u Burundi agiriye urugendo muri Tanzania.

Icyo gihe yasabye impunzi z’Abarundi gutahuka, azizeza ko u Burundi butekanye.
Perezida John Magufuli wa Tanzania, yashyigikiye icyo cyifuzo cya Perezida Nkurunziza, ashishikariza impunzi z’Abarundi gutahuka zigafasha mu kubaka u Burundi.