skol
fortebet

Tariki 26 Nyakanga: Bwa mbere mu mateka umugore yemerewe kwiyamamariza kuyobora Amerika

Yanditswe: Tuesday 25, Jul 2017

Sponsored Ad

Hillary Clinton yabaye umugore wa mbere wemerewe kuba mu bakandida biyamamariza kuyobora Leta zunze ubumwe z’America, ni kimwe mu byaranze tariki ya 26 Nyakanga.
Turi ku wa gatatu tariki ya 26 Nyakanga, ni umunsi wa 207 mu minsi 365 igize uyu mwaka. Iminsi 158 niyo isigaye ngo uyu mwaka ugere ku musozo, uyu munsi umaze kuba ari ku wa gatatu inshuro 56. 1309: Papa Clément V yemeye itorwa ry’umwami w’abami w’ Abajerimanike nk’umwami w’Abaromani.
1340: Intambara yahuje Abongereza n’Abafaransa i (...)

Sponsored Ad

Hillary Clinton yabaye umugore wa mbere wemerewe kuba mu bakandida biyamamariza kuyobora Leta zunze ubumwe z’America, ni kimwe mu byaranze tariki ya 26 Nyakanga.

Turi ku wa gatatu tariki ya 26 Nyakanga, ni umunsi wa 207 mu minsi 365 igize uyu mwaka. Iminsi 158 niyo isigaye ngo uyu mwaka ugere ku musozo, uyu munsi umaze kuba ari ku wa gatatu inshuro 56.
1309: Papa Clément V yemeye itorwa ry’umwami w’abami w’ Abajerimanike nk’umwami w’Abaromani.

1340: Intambara yahuje Abongereza n’Abafaransa i Saint-Omer; intsinzi y’u Bufaransa yatumye Abongereza bava mu ntambara.

1605: Bafashijwe n’umwami Henri IV, abaporotesitanti bo mu Bufaransa bishyize hamwe mu nteko ibahuza mu gikorwa cyabereye i Châtellerault.
1821: Turukiya n’ Uburusiya byacanye umubano nyuma y’uko Turukiya ihakanye kurengera abakirisitu muri iki gihugu.
1847: Libéria igihugu cya mbere muri Afurika mu kubona ubwigenge cyabutangaje ku mugaragaro.

1908: Hashinzwe Ibiro bya Amerika bishinzwe ubutasi (Bureau of Investigation (BOI) byaje guhinduka, Federal Bureau of Investigation (FBI), bishingwa n’umugaba w’ingabo General Charles Joseph Bonaparte-Patterson.
1941: Mu ntambara ya kabiri y’isi, Franklin D. Roosevelt wari Perezida wa Amerika yatanze itegeko ko Amerika itera u Buyapani nyuma y‘uko buteye Indochine yakoranizwaga n’Abafaransa.
1956: Ubunigo bwa Suez mu Misiri bwabaye ubwa leta bikozwe na perezida Nasser.
2016: Hillary Clinton yabaye umugore wa mbere wemewe kuba mu bakandida biyamamariza kuyobora Leta zunze ubumwe z’America atanzwe n’ishyaka ry’abademokarate I Philadelphia. Yahabwaga amahirwe cyane ariko biza kurangira uwo bari bahanganye Donald Trump amutsinze.

Bamwe mu bavutse uyu munsi tariki ya 26 nyakanga mu mateka.
1829: Auguste Beernaert, umukozi muri leta y’ Bubiligi wahawe igihembo cyitiriwe Nobel mu guharanira amahoro

1856: George Bernard Shaw, umwanditsi ukomoka muri Irlande wahawe igihembo cyitiriwe Nobel mu buvanganzo.

1985: Gaël Clichy, umukinnyi w’umupira w’amaguru ukomoka mu Bufaransa.
1987: Fredy Montero, umukinnyi w’umupira w’amaguru ukomoka muri Colombia.
1989: Ivian Sarcos, wabaye Miss w’isi muri 2011 ukomoka muri Venezuela
Bamwe mu batabarutse uyu munsi tariki ya 26 nyakanga mu mateka.
1471: Paul II (Pietro Barbo), Papa wa 211 wa Kiliziya gaturika watabarutse amaze imyaka irindwi ku buyobozi.

1934: Winsor McCay wahimbye uburyo bw’ibishushanyo bivuga ( dessin animé) ukomoka muri Amerika.
Kiliziya Gatolika Irazirikana Mutagatifu Bartolomea Capitanio, Joachim na Venera.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa