Mu buhamya bw’umugore utuye mu Karere ka Kicukiro mu Mujyi wa Kigali,atanga avuga ko yabyaranye na Se ubwo yari afite imyaka 18 y’amavuko kuko yari afite akamenyero ko kuryamana na we.
Nk’uko abyivugira ngo Se yataga umugore we mu cyumba maze akamusanga aho aryamye bakaryamana ku buryo ari ho yaje no kumutera inda.
Yagize ati “Yajyaga ava mu nzu ye nijoro akaza mu cyumba cyanjye akambwira ati ‘ndashaka ko umpa serivisi’.”
Uyu mugore yemeje ko atangira kubimubwira yabihakanye aza kubyemera ku (...)

Sponsored Ad

Mu buhamya bw’umugore utuye mu Karere ka Kicukiro mu Mujyi wa Kigali,atanga avuga ko yabyaranye na Se ubwo yari afite imyaka 18 y’amavuko kuko yari afite akamenyero ko kuryamana na we.

Nk’uko abyivugira ngo Se yataga umugore we mu cyumba maze akamusanga aho aryamye bakaryamana ku buryo ari ho yaje no kumutera inda.

Yagize ati “Yajyaga ava mu nzu ye nijoro akaza mu cyumba cyanjye akambwira ati ‘ndashaka ko umpa serivisi’.”

Uyu mugore yemeje ko atangira kubimubwira yabihakanye aza kubyemera ku nshuro ya kane bitewe n’inkoni se yamukubitaga amuhimbira amakosa.

Nyuma yo kujya aryamana na Se yaje kumutera inda, we n’umugore we baramuhemba ndetse igihe cyo kwita umwana izina bamukoreshereza umunsi mukuru.

Ingeso ya se yanze gupfa maze akomeza gushakira serivisi ku mukobwa we, na we abonye ashobewe ahitamo gushaka umugabo bahita bajya muri Uganda.

Yagize ati “Maze kubyara umwana wa mbere, naramubwiye nti ‘papa,ntabwo ngomba kongera kubyara undi kuko uri umunbyeyi wanjye ahubwo wazashaka undi muntu wumva mwabyarana cyangwa se mugakomeza kubyarana na mama, ni uburenganzira bwawe ariko njye ntibishoboka.”

Ingorane yahuye na zo muri Uganda

Nk’uko uyu mugore akomeza abivuga, bamaze kugera muri Uganda yaje kubyarana n’uwo mugabo abandi bana batatu biyongera kuri uwo yari yarabyaranye na Se.

Gusa ngo icyamubabaje ni uko uwo mugabo we na we yaje kubyarana n’uwo mukobwa we afite imyaka 13, kuri ubu umwuzukuru we akaba amaze kuzuza imyaka ine.

Yagize ati “Naratunguwe cyane aho avuga ati ’umukobwa wawe naramureze arakura kandi wamubyaranye na So nanjye ngomba kumubyaraho umwana.’”

Muri ubu buhamya avuga ko inkiko zo muri Uganda zahamije uwo mugabo icyaha cyo guhohotera umwana zimukatiye igifungo cy’imyaka 80 ku buryo umuzima bwahise butangira kumugora, agaruka kwibera kwa Se uretse ko yanze kumufasha.

Uyu mugore yaba ari mu buzukuruje bakiri bato kuko ku myaka 31 gusa yari afite umwuzukuru.