Kigali

Umugabo yabeshye ko yapfuye bigatuma umugore we yica abana be babiri nawe ariyahura

Udushya   Yanditswe na: Muhire Jason 18 October 2018 Yasuwe: 1004

Umugabo yabeshye umuryango we ko yapfuye bituma umugore we avutsa ubuzima abana be 2 nawe ahita yiyahura.

Uyu mugabo w’imyaka 34 y’amavuko, yabeshye ko yapfuye ashaka ko sosiyete y’ubwishingizi yishyura impozamarira, ubwo imodoka ye yasanzwe mu mugezi ariko umurambo we ntuboneke. Ntiyigeze amenyesha umugore we umugambi yari afite bituma akeka ko yapfuye. Ibi byatumye yicwa n’agahinda yiroha mu kizenga cy’amazi n’abana babo babiri ariko asiga yanditse kuri Internet ko agiye kwiyahura.

Uyu mugabo uzwi ku izina rya He, yishyikirije Polisi mu gace ka Xinhua mu Ntara ya Hunan, ku wa Gatanu w’icyumweru gishize. Nk’uko BBC yabitangaje, Polisi yatangaje ko uyu mugabo ashinjwa ibyaha by’uburiganya mu bwishingizi no kwangiza ku bushake umutungo.

Muri Nzeri, uwo mugabo yari yishyuye ubwishingizi bufite agaciro ka miliyoni y’ama-yuan ($145,000) umugore we atabizi. Radiyo y’u Bushinwa, yatangaje ko uwo mugabo yanditse ko umugore we ari we wakwishyurwa.

Ku wa 19 Nzeri, yatiye imodoka aba ari yo yifashisha mu kubeshya ko yapfiriye mu mpanuka. Polisi yatangaje ko yasanze uwo mugabo yari afite ikibazo cy’amadeni arenga ibihumbi 100 by’ama-yuan.

Umurambo w’umugore we wari ufite imyaka 31, n’iy’abana be babiri, umwe ufite imyaka ine, undi itatu, yabonetse ku wa 11 Ukwakira 2018.

Mbere yo kwiyahura, umugore yanditse ubutumwa kuri WeChat, ko agiye “gukurikira” umugabo we wapfuye, ko “yifuje ko umuryango wabo uko ari bane uba hamwe.” Umugabo yishyikirije Polisi nyuma y’umunsi umwe umuryango we upfuye.

Yabanje kunyuza kuri internet amashusho, aho agaragara arira avuga ko yari yagujije amafaranga yo kuvuza umukobwa we w’imyaka itatu urwaye imitsi yo ku bwonko.

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abagize umuryango w’umwicanyi winjiye mu musigiti akarasa abantu 50 basabye...

Abagize umuryango w’umwicanyi uherutse kwinjira mu misigiti 2 yo mu mujyi wa...
18 March 2019 Yasuwe: 805 0

Umurambo wazutse ubwo bari bagiye kuwukorera Autopsy rubanda...

Mu gihugu cy’Ubuhindi mu karere ka Bhadrak umurambo w’umusore witwa Sujit...
18 March 2019 Yasuwe: 1302 0

Reba umukinnyi wa Filime ukomeye wo muri Afurika y’Epfo ufite ubugufi...

Ubukwe níkimenyetso cy’urukundo kandi kikaba kiwe mu bihe bikomeye mubuzima...
18 March 2019 Yasuwe: 1675 0

Uyu mukobwa yakoreye umugabo wamureze imyaka 27 igikorwa kidasanzwe cyakoze...

Umugore wo muri leta ya North Carolina muri Leta Zunze Ubumwe z’Amerika...
18 March 2019 Yasuwe: 2705 0

Nigeria: Umwana w’umukene yahawe inkunga n’ibyamamare bitandukanye nyuma yo...

Umwana w’umukobwa ukiri muto witwa Success,uherutse guca ibintu ku mbuga...
18 March 2019 Yasuwe: 3240 0

Umwana w’imyaka 5 w’umunya Nigeria uherutse gutorwa nk’umukobwa mwiza...

Umukobwa w’imyaka 5 ukomoka muri Nigeria witwa Janet Jumbo (Jare) w’imyaka...
18 March 2019 Yasuwe: 4833 0