Kigali

Umugabo yafashe umwanzuro utoroshye ubwo yasabwaga n’abaganga guhitamo utabarwa hagati y’umugore we n’umwana yari atwite

Udushya   Yanditswe na: Dusingizimana Remy 7 December 2018 Yasuwe: 4414

Umugabo witwa Frederick Connie ukomoka USA, yatangaje ko yasabwe gufata umwanzuro ukomeye n’abaganga ubwo yasabwaga guhitamo gutabara umugore we wari urwaye cyangwa umwana we w’umukobwa yari atwite, gusa yavuze ko byarangiye ahisemo gutabara umwana.

Uyu mugabo ukomoka muri Leta ya Colorado muri USA,yavuze ko yasabwe n’abaganga gufata umwanzuro wamugoye kurusha iyindi mu buzima bwe wo guhitamo gutabara umugore we cyangwa umwana we w’umukobwa yari atwite.

Frederick n’umugore we Keyvonne Connie barishimye cyane ubwo bamenyaga ko bazabyara umwana wabo w’imfura mu kwezi kwa mbere k’umwaka utaha gusa ibintu ntibyabakundiye kuko mu minsi ishize uyu mugore yaje kugira impanuka avira mu nda byatumye ajyanwa igitaraganya kwa muganga kugira ngo abagwe bamukuremo umwana cyane ko yashoboraga gupfa.

Abaganga babwiye Frederick ko batashobora gukiza uyu mugore n’umwana we ko ahubwo agomba guhitamo umwe muri bo ugomba kurokoka birangira ahisemo ko bakiza umwana.

Ygize ati “Barambwiye bati urahitamo ko tubaga umugore we wawe abeho ariko umwana wawe arapfa cyangwa se uhitemo turokore umukobwa wawe.”

Frederick yahisemo ko barokora umwana we w’umukobwa ndetse abaganga bakora ibishoboka byose ngo batabare umugore we gusa ntiyabashije kurokoka.

Frederick yagize ati “Abaganga bakoze ibishoboka byose ariko umugore wanjye yarapfuye.Nishimira ko nafashe umwanzuro ukwiye kuko iyo mpitamo kurokora Keyvonneyari kunyanga ubuzima bwe bwose kuko yakundaga abana ku buryo bukomeye.”

Uyu mugabo yise uyu mukobwa we Angelique Keyvonne Connie wavutse adashyitse,dore ko ubu agaburirwa hifashishijwe agatiyo.



Frederick yahisemo gutabara umwana we w’umukobwa mbere ya nyina

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble rukeba

    Ntabwo bintanganje kuko abagabo benshi burya badakunda abagore babo.Muzi ukuntu abenshi bahora babica,bagashaka abandi.Uyu nawe,yemeye ko umugore we apfa kubera ko yari azi neza ko "ejo azarongora undi".Wenda yari yaramuhararutswe cyangwa afite indi nshoreke.Tujye twibuka ko Imana ishaka ko umugore n’umugabo baba "umwe" (Intangiriro 2:24).Kubera ko Abagore badukunda cyane,ndahamya ko iyo biza kuba ku Mugabo wakoze accident,90% y’abagore bahitamo "kurokora umugabo wabo".Nanjye nali gusa choice umugore wanjye.Ariko nizera ko wenda n’umwana yakira.

    December 2018
  • chat_bubble Charles

    Bavandi uyu mugabo sinzi niba yarrafashe icyemezo kiri cyo, gusa kuri we buriya cyari cyo,ariko se !!???

    Mana wee, ntibyoroshye !!! Jye numva yari kubirekera abaganga bagahitamo cg bagakoresha uko bashoboye bakarokora uwo bishobokera.

    December 2018
  • chat_bubble Charles

    Aha ho ntacyo navuga pe !! Buri wese agira amahitamo ye !! Gusa iri hurizo ryagera kuwariwe wese.
    Ariko se na none, umugore wanjye nakunze, tuba twanabasha kubyara undi mwana nkamureka agapfa koko ? Ko numva ntahara urubavu rwange ari uko bimeze !!! Bavandi iri hurizo rirakaze !!

    December 2018

Inzindi nkuru

Umugabo yafatiwe mu cyuho ari gukorakora umugore w’umusirikare muri bisi...

Umugabo w’umunya Nigeria yaciye ibintu ku mbuga nkoranyambaga kubera...
19 August 2019 Yasuwe: 5791 2

Umugabo ukina n’inzoka n’undi ukina n’impyisi bateye benshi ubwoba[AMAFOTO]

Ubwoba ni kimwe mu bintu bituma umuntu atakwegera ikintu cyangwa ikiremwa...
19 August 2019 Yasuwe: 4891 1

Umwongereza n’umukunzi we bahanutse kuri Etaje barangirika cyane ubwo barimo...

Umwongereza w’imyaka 30 n’umukunzi we bahuye n’uruva gusenya ubwo barimo...
19 August 2019 Yasuwe: 3143 0

Umugore yahanutse ku manga ubwo yageragezaga kwifata Selfie ahagaze hejuru...

Umugore w’imyaka 27 yahuye n’uruva gusenya ubwo yarimo yifatira aga selfie...
18 August 2019 Yasuwe: 3724 0

Umugabo yafashe ku ngufu Mama we w’imyaka 60

Umugabo w’imyaka 36 y’amavuko yatawe muri yombi akekwa gufata nyina umubyara...
18 August 2019 Yasuwe: 2881 0

Umugore yarokotse urupfu mu buryo bw’amayobera bitera benshi kumirwa nyuma...

Umugore utatangajwe amazina wo mu gihugu cya Canada mu mujyi wa Quebec...
18 August 2019 Yasuwe: 5168 0