Kigali

Umugabo yarize ayo kwarika nyuma yo gusanga abana 3 yibwiraga ko ari abe umwe gusa ariwe yabyaranye n’umugore we

Udushya   Yanditswe na: Dusingizimana Remy 30 September 2019 Yasuwe: 8110

Umugabo witwa Ijimakiwa Dayo ukomoka muri Nigeria,yarize ayo kwarika nyuma yo gukoresha ikizamini cya DNA n’abana be,agasanga umugore we yarabyaye abana 2 hanze akamubeshya ko ari abe.

Nyuma y’imyaka 12 abana n’umugore we,Dayo yafashe umwanzuro wo kujya gukoresha ibizamini bya DNA ngo arebe ko abana batatu yareraga ari abe kuko yakekaga umugore we ko amuca inyuma,ibisubizo byemeza ko umwe gusa ariwe babyaranye.

Dayo yavuze ko yafashe umwanzuro wo gukoresha ibizamini bya DNA kuko ngo yakundaga gushwana n’umugore we bagatandukana hamara igihe bakongera bagasubirana ariko uyu mugore akaza atwite ndetse akamubwira ko mbere yuko batandukana yamuteye inda.

Dayo abinyujije ku rubuga rwe rwa Facebook ku munsi w’ejo,yavuze ko yashyingiranywe n’umugore mubi kuko ngo mu bahungu 2 n’umukobwa umwe yari aziko yabyaranye n’umugore we,umukobwa ariwe gusa bahuje DNA.

Uyu mugabo yavuze ko uyu mugore yamwibye miliyoni y’ama Naira akoreshwa muri Nigeria ayajyanira uyu mugabo akeka ko yamuteye inda,hashize igihe imiryango irabahuza barongera barabana ariko ngo uyu mugore akamutuka ndetse akamusuzugura cyane.

Uyu mugabo yavuze ko nyuma yo kuneka umugore we no gusuzuma abagabo akunda kugirana imishyikirano nabo,yafashe umwanzuro wo kujya gupimisha DNA z’abana be.

Yapimishije umwana wa mbere w’umuhungu ufite imyaka 11 asanga ntari uwe,ajya kuwa kabiri w’umukobwa we barahuza ariko uwa 3 ntibahuza.

Uyu mugabo yasabye ibisobanuro uyu mugore we amubwira ko niyita ku bya DNA biramutesha umutwe akibabariza umutima gusa.

Uyu mugore ngo yaramubuze we n’abana be gusa yashyize hanze ubu buhamya kugira ngo abantu bamushake amusubize umukobwa we.





Umugabo yavuze ukuntu yakoresheje DNA agasanga umwana umwe muri 3 yareraga ariwe wenyine yabyaranye n’umugore we

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amafoto Yaciye Ibintu:Abagore bo muri Ghana ku munsi mpuzamahanga wo...

Abagore bo mu gihugu cya Ghana ku munsi mpuzamahanga wo kutambara...
16 October 2019 Yasuwe: 3196 0

Abantu bamaze imyaka 9 bihishe mu nzu kubera gutinya imperuka batahuwe...

Umuryango wamaze imyaka icyenda mu gice cyo hasi (’basement’) cy’inzu...
16 October 2019 Yasuwe: 1572 0

Nulu umusaza wo muri Uganda w’imyaka 94 wari ufite abagore 19 n’abana 100...

Umusaza w’imyaka 94 y’amavuko witwa Nulu Ssemakula yaciye agahigo ko kugira...
16 October 2019 Yasuwe: 1635 0

Umugabo yatawe muri yombi avuye kwiba muri Bank amafaranga yo Kugura impeta...

Umugabo yatawe muri yombi nyuma yo gufatwa avuye kwiba muri banki habura...
15 October 2019 Yasuwe: 1227 0

Umupasiteri yafashwe ari gutaba igishushanyo mu rugo rw’umuntu kugira ngo...

Umupasiteri w’umunya Nigeria w’umunyamitwe yafatiwe hafi y’urugo rw’umugabo...
15 October 2019 Yasuwe: 3516 0

Abagabo bateraniye ibipfunsi mu bukwe bituma abantu 4 bakomereka bikomeye...

Ubushyamirane bwavutse mu bukwe bwabereye ahitwa Wolverhampton mu...
14 October 2019 Yasuwe: 4508 0