Kigali

Umugabo yemeye ko umugore we abyarira umwana inshuti ye nyuma yo kuyobokwa n’agasembuye

Udushya   Yanditswe na: Dusingizimana Remy 5 August 2019 Yasuwe: 4462

Umugabo witwa Marc Bott w’imyaka 35 yemeye ko umugore we Kim w’imyaka 32 abyarira umwana inshuti ye magara Paul Bullock wabwiwe n’abaganga ko atazongera kubyara kubera ubumuga bw’umugore we.

Kelly Bullock w’imyaka 33 n’umugabo we Paul w’imyaka 35 bakomoka ahitwa Warrington muri Cheshire mu Bwongereza bahuye n’uruva gusenya ubwo uyu mugore yagiraga ibyago ubwo yarimo abyara umwana we wa mbere abwirwa ko atazongera kubyara ukundi.

Paul akimara kumva iyi nkuru ibabaje yahise asohokana mu kabari inshuti ye bamenyanye bafite imyaka 11 yitwa Marc Bott amubwira ko we n’umugore we babwiwe ko batazongera kubyara kubera ko umugore we yagize ikibazo ari kubyara kandi bifuzaga kubyara abandi bana.

Uyu mugabo amaze kumva agahinda k’inshuti ye,yamubwiye ko agiye kwinginga umugore we kugira ngo azabemerere kubatwitira umwana hakoreshejwe uburyo bwo kumutera intanga zabo bombi [surrogate].

Umugore wa Marc witwa Kim ufite abana babiri yumviye umugabo we, yemera gufasha inshuti y’umugabo we niko kwemera ko bamutera intanga zabo abatwitira umwana none kuri ubu yaravutse afite amezi 15.

Kim yagize ati “Byose byabaye bari kunywa inzoga mu kabari.Abagabo bacu baraganiriye barabyemeranya natwe nta kindi twari kurenzaho.”

Kelly na Paul bamaze imyaka 15 babana ndetse babyaranye umwana wabo w’umuhungu Brody mu mwaka wa 2013 gusa uyu mugore yaje kurwara uburwayi bwitwa Symphysis pubis dysfunction [SPD] bwatumye amara ibyumweru 22 agendera mu kagare anatwite.

Abaganga babwiye Kelly ko azava mu kagare amaze kubyara ariko siko byagenze kuko ubu burwayi bwaramumugaje bituma abwirwa ko atazongera kubyara ariyo mpamvu umugabo we washakaga undi mwana yitabaje iyi nshuti ye magara igasaba umugore wayo ko yababyarira umwana hakoreshejwe uburyo bwo guhuza intangangabo n’intangangore bakazitera umuntu akabyara ibizwi nka Surrogacy.

Iyi miryango yombi yemeye gufashanya bituma umwana witwa Riley avuka kuwa 28 Mata 2018 abyawe n’abagore babiri batandukanye.Abana b’iyi miryango barahorana ndetse babana nk’abavandimwe.




Kim yemeye kubyarira Kelly umwana nyuma yo kugira ubumuga bwatumye abuzwa kuzongera kubyara

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble DIDACE MVUYEKURE

    MBEGA UBUSHUTI BUTANGAJE!!!

    2 months ago

Inzindi nkuru

Umupasiteri yashwanyaguje Bibiliya Yera ayigaburira abayoboke...

Umupasiteri utavuzwe amazina yaciye ibintu ku mbuga nkoranyambaga kubera...
22 October 2019 Yasuwe: 1786 0

Ibitangazamakuru bikomeye muri Ausralia byakoze ibintu bidasanzwe bisohora...

Ibitangazamakuru bikomeye ndetse bimwe binahanganye ku isoko muri Ausralia...
22 October 2019 Yasuwe: 661 0

Umugabo ufite ukuboko kubyimbye bitangaje yatunguye benshi kubera ukuntu...

Umurusiya witwa Kirill Tereshin uzwi cyane nka Popeye ufite ukuboko...
21 October 2019 Yasuwe: 5147 0

Umugabo n’umugore bafite abana 21 bagiye kubyara uwa 22 nyuma y’umwaka umwe...

Umugore witwa Sue Radford w’imyaka 44 n’umugabo we Noel w’imyaka 48 batuye...
21 October 2019 Yasuwe: 3619 0

Abanyeshuri bambitswe ibikarito mu kizamini ngo badakopera

Abategetsi b’ishuri rimwe mu Buhinde basabye imbabazi nyuma y’uko amafoto...
20 October 2019 Yasuwe: 4667 1

Umugore wakoraga mu rugo yatawe muri yombi azira gufata ku ngufu umuhungu...

Uwahoze ari umukozi wo mu rugo witwa Marissa Mowry w’imyaka 28 yakatiwe...
19 October 2019 Yasuwe: 10710 1