Umugabo w’Umutaliyani yagaragaye ari kwifata ama selfie iruhande rw’umugore wari umaze gugongwa na Gari ya moshi aho kumutabara amerewe nabi,yibasirwa na benshi ku mbuga nkoranyambaga.

Sponsored Ad

Uyu mugabo yanenzwe na benshi mu Butaliyani ndetse no ku isi yose kubera imyitwarire ye idahwitse aho bamwe bavuze ko ikoranabuhanga ryatwaye ubumuntu bwa bamwe.

Umunyamakuru witwa Giorgio Lambri niwe watangaje amakuru y’uyu mugabo utagira ubumuntu wagaragaye ari kwifata amafoto iruhande rw’uyu mugore wari umaze kugongwa na gari ya moshi.

Polisi ikimara kugera aho uyu mugore yari ari,yasabye uyu mugabo gusiba amafoto yose yafashe yarangiza akagenda.

Uyu mugore ukomoka muri Canada yasohotse muri gari ya moshi nabi arahanuka,byatumye akomereka ukuguru ajyanwa kwa muganga igitaraganya.

Benshi mu bataliyani babajije izina ry’uyu mugabo ndetse baramwibasira,bamutuka ibitutsi bitagira ingano.