Kigali

Umugeni wamenye ko umukunzi we amuca inyuma ku munsi ubanziriza ubukwe, yamukoreye ubugome budasanzwe imbere ya padiri

Udushya   Yanditswe na: Dusingizimana Remy 19 November 2018 Yasuwe: 4855

Umugore witwa Casey yakoreye ubugome budasanzwe umugabo we wamucaga inyuma akaza kumufata ku munsi ubanziriza ubukwe bwabo, aho yahisemo gusomera padiri n’ababaherekeje ubutumwa bw’urukozasoni uyu mukunzi we yandikiranaga n’ihabara rye aho gusoma indahiro y’uko bazabana akaramata.

Uyu mugeni yohererejwe ubutumwa bw’urukozasoni n’uwahoze ari inshoreke y’umukunzi we ku munsi ubanziriza ubukwe nyirizina,niko kurakara cyane ahitamo kumusebereza imbere y’abantu nkuko yabibwiye abanyamakuru.

Yagize ati “Nari ndi mu cyumba cya hoteli mbere y’ubukwe nitegura,maze mbona nimero y’umuntu ntazi inyoherereje ubutumwa (screenshots) umugabo wanjye yamwohereje bwuzuyemo amagambo y’urukozasoni arangije kubwohereza arambwira ati “sinashyingiranywe nawe.Ese uremera ko mushyingiranwa?”.

Uyu mugore yakubiswe n’inkuba nyuma yo kubona ko ubu ari ubutumwa umusore wari ugiye kumurongora yandikiranaga n’umukobwa bajyaga basambana mu ibanga.

Casey yakomeje gusoma ubutumwa bwose ndetse abwira uyu mukobwa ko atamwizera ahubwo ashaka kumwicira ubukwe niko kumwoherereza amafoto bari kumwe bambaye ubusa.

Uyu mugeni yavuze ko yahise atangira kurira cyane ndetse umutima we urangirika bikomeye ku buryo yahise atangira gutekereza ubugome bukomeye yakorera uyu musore wamubeshye akamuca inyuma.

Casey yabwiye abanyamakuru ko inshuti ze zamusabye ko yahamagara umukunzi we akamubwira ko ubukwe busubitswe adashaka kubana nawe gusa uyu mukobwa yahise ababwira ko yamaze gufata umwanzuro ko ari bumusebereze imbere y’inshuti n’abavandimwe.

Bageze imbere ya padiri umugabo yasabwe gusoma indahiro ivuga ko akunda Casey ndetse bazabana akaramata nk’umugabo n’umugore arabikora hanyuma amaso asigara ahanzwe Casey.

Casey yahise akura mu mufuka telefoni ye asoma ubutumwa bwa mbere bwagiraga buti “Gutera akabariro,byagenze neza,wandyohereje iyaba abakobwa bose bameraga nkawe.”

Casey yahise asoma iya kabiri yagiraga iti “Ndagukumbuye cyane,Ntabwo nshobora guhagarika gutekereza njye nawe turi gutera akabariro.Sinigeze mbona umuntu umeze nkawe.”

Uyu musore yahise amenya ko bamuvumbuye nibwo yahise yiruka we n’umusore wari wamwambariye abantu bose barumirwa,ibyari ubukwe bihinduka akavuyo.

Uyu mukobwa wiyise Casey yabitangarije ikinyamakuru cyitwa Whimn gikunze kwandika ku nkuru z’ibyabaye ku bantu.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abakecuru bo mu Bwongereza bashiriye muri Gambia bashaka abapfubuzi...

Abakecuru bo mu bwongereza bari kwisuka muri Gambia ku bwinshi bagiye...
25 March 2019 Yasuwe: 5487 0

Umupilote yapfuye ubwo yashakaga kugongesha indege umugore we wari utwite...

Umupilote witwa Charl Viljoen, ukomoka muri Afurika y’Epfo yahitanywe...
25 March 2019 Yasuwe: 3397 1

Umusore w’umuherwe ubana n’abakobwa batagira umubare n’indege zihenze cyane...

Umusore witwa Bobby Misner usanzwe ari uw’umuherwe witwa Tom Misner,...
25 March 2019 Yasuwe: 5896 2

Umukobwa wiga muri Kaminuza yahemukiwe bikomeye n’indwara y’ibitotsi...

Umwongerezakazi witwa Rhoda Rodriguez-Diaz w’imyaka 21, ukomoka mu mujyi wa...
25 March 2019 Yasuwe: 4473 0

Amazu yaciye ibintu hirya no hino ku isi kubera ukuntu yubatswe...

Uko isi igenda itera imbere niko n’abahanga bagenda bahanga udushya mu...
24 March 2019 Yasuwe: 5792 0

Umugore yakubise umugabo we amugira intere arangije aramunyarira nyuma yo...

Umugore ukomoka mu mujyi wa Lusaka muri Zambia,yakoze amahano ubwo yafataga...
23 March 2019 Yasuwe: 12809 4