Kigali

Umugore arifuza gukomeza kubana n’umugabo we wamuteye icyuma inshuro 46

Udushya   Yanditswe na: Dusingizimana Remy 3 November 2018 Yasuwe: 1047

Umugore witwa Shannon Barnard w’imyaka 21 yatunguye benshi mu rukiko ubwo yavugaga ko yifuza gukomeza kubana n’umugabo we witwa Michael Barnard w’imyaka 25 wakatiwe igifungo cy’imyaka 20 kubera kumutera icyuma inshuro 46 zose Imana igakinga ukuboko.

Uyu mugore ukomoka mu Bwongereza wafashe umugabo we ari kumuca inyuma,bagashwana kugeza ubwo yamuteye icyuma inshuro 46 mu nda no mu gituza,yabwiye urukiko ko adashaka gutana nawe ndetse yifuza ko igifungo cye cy’imyaka 20 nikirangira bakomezanya ubuzima.

Micheal yateye uyu mugore icyuma mu nda mu gituza no ku mabere byatumye agira ibikomere bikomeye,ajyanwa igitaraganya kwa muganga ariko ntiyapfa.

Ibihaha bye byombi byarangiritse kubera iki cyuma ndetse umubiri we wuzuyeho inkovu ariko yabwiye urukiko ko yifuza ko bakomeza kubana,uyu mugabo we nafungurwa.

Bernard yamaze iminsi 17 mu bitaro nyuma yo guterwa icyuma aho yabwiye polisi ko acyumva uburibwe bw’iki cyuma ndetse abaganga be bavuze ko ari amahirwe kuba yararokotse.

Ku munsi w’ejo nibwo uyu mugore yatunguye urukiko rwa Maidstone mu gace ka Kent,ubwo yarubwiraga ko atifuza gutandukana n’uyu mugabo we ndetse yifuza ko bakomeza umubano igihe azaba afunguwe.

Yagize ati “Ndifuza ko twakomeza kubana ndetse tugakomeza kubana mu buzima twifuje tugishinga urugo rwacu.”

Urukiko rwabwiwe ko uyu mugore akunze gusura uyu mugabo muri gereza aho buri cyumweru amugeraho inshuro 2 zose.

Uyu mugore yabwiye urukiko ko umugabo we yamusabye imbabazi ubwo yamusuraga ndetse yiteguye kumwakira bakabana narangiza igifungo cy’imyaka 20 yakatiwe.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umugabo ushaje kurusha abandi ku isi yitabye Imana[AMAFOTO]

Umugabo ukomoka mu Buyapani witwa Masazou Nonaka wari ukuze kuruta abandi...
22 January 2019 Yasuwe: 856 1

Hamenyekanye igihe nyacyo cya kibuye kinini kizagongera isi...

Ikibuye kinini cyitwa Apophis kiri mu kirere, gikomeje kwegera isi birenze...
22 January 2019 Yasuwe: 5489 2

Umugabo yikase ijosi nyuma yo kumenya ko arwaye SIDA

Umugande witwa Waswa Kalibara w’imyaka 55 yafashe icyuma ari mu nzu ya...
21 January 2019 Yasuwe: 3439 1

Umugabo yatawe muri yombi nyuma yo gufatwa ari kurunguruka umukobwa wa...

Umunyamerika witwa Geoffrey Cassidy wo mu mujyi wa Miami, muri Leta ya...
20 January 2019 Yasuwe: 2705 0

Abasore b’abakire b’I Dubai baciye ibintu kubera ubuzima bwo kwinezeza...

Itsinda ry’abasore b’abakire bo mu mujyi wa Dubai ryaciye ibintu kubera...
19 January 2019 Yasuwe: 6049 1

Bya bipupe byifashishwa mu gutera akabariro byatangiye guhemukira abagabo...

Ibipupe byifashishwa mu gutera akabariro (sex robots) byatangiye kwangiza...
19 January 2019 Yasuwe: 7202 4