Kigali

Umugore utwite yarokotse by’igitangaza nyuma yo guhirikwa ku manga ya metero 34 n’umugabo we washakaga kumwica ngo yitwarire imitungo batunze

Udushya   Yanditswe na: Dusingizimana Remy 19 June 2019 Yasuwe: 5193

Umugabo w’Umushinwa yatawe muri yombi nyuma yo kugerageza kwica umugore we wari utwite inda y’amezi 3 ubwo yamuhirikaga ku musozi muremure wa metero 33 n’igice atwiite Imana igakinga ukuboko.

Uyu mugore witwa Wang Nan w’imyaka 32 yasabwe n’umugabo we ko batemberera muri Thailand bavuye iwabo mu bushinwa arabyemera,bageze muri pariki yitwa Pha Taem,uyu mugabo we amuhirika ku manga bimuviramo kuvunika amagufwa atandukanye.

Kuwa 09 Kamena uyu mwaka nibwo Wang Nan yajugunywe kuri iyi manga n’umugabo we washakaga kumwica kugira ngo yitwarire imitungo batunze.

Uyu mugore yabwiye abapolisi ko umugabo we Yu Xiaodong w’imyaka 33 yabanje kumukubita ikintu mu mutwe ata ubwenge niko guhita amuhirika kuri iyi manga agamije kumwica ariko nyuma ararokoka.

Wang Nan yabwiye polisi ko umugabo we akimara kumuhirika yabonye abantu bamutabaye,biramubabaza cyane ko yashakaga kumwica kugira ngo yikubire umutungo we ndetse abone uko yishyura ideni rya miliyoni ebyiri n’igice z’amapawundi arimo.

Koloneri Charnchai Innara wo muri Thailand yavuze ko baketse ko uyu mugabo ariwe wahiritse uyu mugore nyuma y’aho abantu bahuruye baje kumutabara bakabona umugabo ahagaze hejuru ari kureba niba uyu mugore yashizemo umwuka.

Wang akimara guhanuka yavuze ati “Ni ukubera iki unkoreye ibintu nk’ibi”,abona guta ubwenge bamujyana kwa muganga.

Wang yabwiye polisi ko atahise ababwira ibyabaye kubera gutinya ko umugabo we amwica,abahishurira koi bi byose yabikoze kugira ngo amutware imitungo.

Wang yavunitse amagufwa yo ku maguru,amaboko ndetse n’urutugu gusa umwana w’amezi 3 atwite ntacyo yabaye.



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Nukumwihanganisha.

    2 months ago

Inzindi nkuru

Umugabo ukina n’inzoka n’undi ukina n’impyisi bateye benshi ubwoba[AMAFOTO]

Ubwoba ni kimwe mu bintu bituma umuntu atakwegera ikintu cyangwa ikiremwa...
19 August 2019 Yasuwe: 1856 1

Umwongereza n’umukunzi we bahanutse kuri Etaje barangirika cyane ubwo barimo...

Umwongereza w’imyaka 30 n’umukunzi we bahuye n’uruva gusenya ubwo barimo...
19 August 2019 Yasuwe: 1749 0

Umugore yahanutse ku manga ubwo yageragezaga kwifata Selfie ahagaze hejuru...

Umugore w’imyaka 27 yahuye n’uruva gusenya ubwo yarimo yifatira aga selfie...
18 August 2019 Yasuwe: 3369 0

Umugabo yafashe ku ngufu Mama we w’imyaka 60

Umugabo w’imyaka 36 y’amavuko yatawe muri yombi akekwa gufata nyina umubyara...
18 August 2019 Yasuwe: 2613 0

Umugore yarokotse urupfu mu buryo bw’amayobera bitera benshi kumirwa nyuma...

Umugore utatangajwe amazina wo mu gihugu cya Canada mu mujyi wa Quebec...
18 August 2019 Yasuwe: 4690 0

Amenyo y’amaterano yamaze icyumweru yarahagamye mu muhogo w’umurwayi

Umurwayi yasanzwemo amenyo y’amaterano yamuheze mu muhogo mu gikorwa cyo...
18 August 2019 Yasuwe: 1329 0