Umukobwa witwa Rita Shameeva w’Umurusiya akomeje guca ibintu mu binyamakuru no ku mbuga nkoranyambaga, kubera igituro yahambwemo gitangaje aho cyubatswe nka Iphone irimo ifoto ye.

Sponsored Ad

Uyu murusiyakazi w’imyaka 25 yarapfuye yubakirwa igituro gifite umutwe ushushanyijeho Iphone irimo ifoto ye byatumye abaje kumushyingura bataha batunguwe cyane.

Se w’uyu mukobwa niwe wemeje ko umwana we bagomba kumuhamba mu gituro gitatseho telefoni ya Iphone,barabikora,none aka gashya kaciye ibintu hirya no hino ku isi.

Uyu mukobwa wapfuye muri Mutarama 2016azize urupfu rutunguranye,yaciye ibintu ku mbuga nkoranyambaga aho amafoto y’igituro cye yakomeje gucaracara hirya no hino.

Umwe mu bashyinguye uyu mukobwa witwa Nikolay Yevdokimov yavuze ko akibibona yagize ngo ari kurota kubera ubuhanga bwakoreshwejwe mu kubaka iki gituro cy’uyu mukobwa.

Biravugwa ko impamvu yatumye igituro cy’uyu mukobwa cyubakwa muri ubu buryo ari uko yakundaga cyane Iphone y’iwe.