Kigali

Umusaza n’ umukecuru buriye indege bajya gukubita umukazana wabo muri Amerika

Udushya   Yanditswe na: Nsanzimana Ernest 6 September 2017 Yasuwe: 7896

Devbir, Jasbir na Bhupinder Kalsi

Umusaza n’ umukecuru bo mu gihugu cy’ Ubuhinde bafashe indege bagenda kilometero ibihumbi 13 bajyanywe no gufasha umuhungu wabo gukosora umugore we.

Amakuru avuga ko uko umusaza n’ umuhungu bakubise uyu mugore bakanamukomeretsa, umukecuru akarebera nta ntabaze polisi.

Jasbir Kalsi w’ imyaka 67, n’ umugore we Bhupinder w’ imyaka 62, baturutse ahitwa Punjab mu gihugu cy’ Ubuhinde berekeza ahitwa Hillsborough muri Leta ya Floride muri Amerika, mu rwego rwo gufasha umuhungu wabo Devbir gukosora umugore we.

BBC dukesha iyi nkuru ivuga ko uyu mugore ku wa Gatandatu w’ icyumweru gishize yoherereje polisi ubutumwa bugufi, polisi yamugeraho igasanga yakubiswe ndetse afite n’ ibikomere ku mubiri.

Uko ari batatu polisi yo muri Leta ya Floride yahise ibata muri yombi ibakurikiranyeho ibyaha birimo gukubita no gukemeretsa.

Bukeye bwaho, ni ukuvuga ku Cyumweru tariki tariki 3 Nzeli 2017, uyu mugore witwa Silky Gaind yatangarije umucamanza ko umugabo we yamufatiye icyuma ku ijosi akamubwira ko naramuka ahamagaye polisi irahagera yamaze kumwica.

Yagize ati “Mfite ubwoba bwinshi cyane, yambwiye ngo nimpamagara polisi aranyica. Murabona, yambwiye ngo polisi birayifata iminota 10 kugira ngo ingereho kandi ngo muri iyo minota 10 araba yamaze kunyica nawe ahite yiyahura”

BBC dukesha iyi nkuru ntabwo yagaragaje icyo uyu mugore yazizwaga.

Umusaza n’ umuhungu we bakurikiranyweho gukubita no gukomeretsa, ndetse no kubuza uyu mugore guhamagara 911, numero y’ ubutabazi ya polisi.

Umukecuru we akurikiranyweho icyaha cy’ ihohoterwa ryo mu rugo no kudatabariza uri mukaga.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imibereho itangaje y’abatuye mu kirwa Ikarita, aho ufite imyaka 81 abarizwa...

Abaturage batuye ku kirwa cya Ikaria mu Bugereki babaho mu buzima butangaje...
19 November 2017 Yasuwe: 2870 0

Colombia: Umwarimu yafunze azira guhatiriza abanyeshuli be gukorana nabo...

• Umwarimu witwa Yokasta yakatiwe igifungo cy’imyaka 40 kubera guhatiriza...
18 November 2017 Yasuwe: 3943 0

Pasiteri ugaburira abakirisitu ibinyenzi n’indabyo yateye abantu...

Pasiteri w’Itorero rya The End Times Disciples Ministries, Penuel Mnguni,...
16 November 2017 Yasuwe: 1616 1

Umwana w’imyaka 14 yafunzwe azira gusambanya inkoko igapfa

• Umwana w’imyaka 14 yasambanyije inkoko bayisanga yapfuye.
16 November 2017 Yasuwe: 2047 0

Birababaje!Ubonye uyu muntu wese akizwa n’amaguru kubera uruhu...

Uburwayi bwe bwatumye bamuha akato Baramubona bakamuhunga kubera uburwayi...
14 November 2017 Yasuwe: 3442 1

Ubuhamya bubabaje: Yafashwe ku ngufu n’inshuti ye ubwo yari asinziriye...

Yafashwe ku ngufu ntiyabimenya kubera ibitotsi Angel Rogerson yatanze...
14 November 2017 Yasuwe: 4723 0