Kigali

Umusore wari ugiye gushyingurwa yazutse bitera benshi m mu bagize umuryango we ihungabana

Udushya   Yanditswe na: Dusingizimana Remy 7 July 2019 Yasuwe: 6127

Umusore witwa Mohammad Furqan w’imyaka 20 yatumye benshi bakwira imishwaro kubera ukuntu yazutse bagiye kumushyingura bituma bamwe bagwa igihumure,abandi bakwira imishwaro bamwita umuzimu.

Furqan wajyanwe mu bitaro byigenga kuwa 21 Kamena 2019,nyuma y’impanuka ikomeye y’imodoka,yatunguye benshi mu muryango n’inshuti barimo kurira cyane,ubwo yazukaga benshi bakikanga cyane.

Furqan uvuka mu mujyi waLucknow, uherereye mu majyaruguru y’Ubuhindi muri leta ya Uttar Pradesh,yataye ubwenge nyuma yo kugongwa n’imodoka bituma ajyanwa mu bitaro byigenga bitavuzwe mu nkuru yakozwe n’ibinyamakuru byo mu buhindi.

Ibi bitaro byasabye umuryango w’uyu musore kwishyura akayabo k’ibihumbi 10 by’amadolari kugira ngo avurwe,uvuga ko utayabona.

Abaganga bo muri ibi bitaro barateranye hanyuma batangaza ko uyu musore yapfuye,uyu muryango we ukubita hirya no hino ushaka uko wamushyingura kandi yari akiri muzima.

Umuryango wose warateranye bagura isanduku ndetse bakora imihango yibanze ikorwa iyo bagiye gushyingura umuntu,gusa batungurwa no kubona umusore akangutse bamwe bata ubwenge,abandi barahunga.

Umuvandimwe mukuru wa Furqan,witwa Mohammad Irfan yagize ati “Biratangaje cyane.Twarimo twitegura gushyingura,umwe muri twe abona isanduku iri kunyeganyega.Twahise dufata Furqan tumujyana ku bitaro bya Ram Manohar Lohia,abaganga batubwira ko ari muzima ndetse bahita bamuha ubufasha bwibanze.”

Furqan araremye cyane ndetse ngo aracyari muri koma gusa ngo bimwe mu bice bye by’umubiri biracyakora neza.

Iyi nkuru yasakaye hose ku isi,yatumye benshi bikoma abaganga bo mu Buhindi barimo cyane aba bavuze ko uyu musore yapfuye kandi ari muzima.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umugore wihinduje umugabo yabyaye mu buryo bwatangaje abatari...

Umugabo witwa Freddy McConnell, umugore wihinduye umugabo, yavutse ari...
21 July 2019 Yasuwe: 2910 1

Ubuhinde:Umwana wavukanye imitwe itatu yateye ubwoba abaganga n’ababyeyi...

Kuwa kane w’icyumweru gishize nibwo uyu mwana wavukanye imitwe 3 yavukiye mu...
19 July 2019 Yasuwe: 4525 1

Reba amafoto y’ubukwe bwasekeje abantu mu mateka y’isi[AMAFOTO]

Mu buzima bwa muntu, umunsi w’ubukwe uri mu minsi ikomeye cyane ndetse...
18 July 2019 Yasuwe: 11876 0

Sakal umaze imyaka 40 atamesa mu mutwe we cyangwa ngo anogoshe umusatsi...

Umugabo witwa Sakal Dev Tuddu ukomoka mu gihugu cy’Ubuhinde amaze imyaka 40...
18 July 2019 Yasuwe: 6016 3

Umugabo wavuye Zimbabwe akagera mu Misiri n’amaguru agiye kureba igikombe...

Hirya no hino muri Afurika hiriwe inkuru y’umuforomo w’imyaka 32 witwa Alvin...
18 July 2019 Yasuwe: 3276 0

Umugabo yakubise umugore we aramwangiza cyane nyuma yo kumufata ari...

Umugore ukomoka mu gace kitwa Solwezi mu gihugu cya Zambia yahuye n’uruva...
18 July 2019 Yasuwe: 5613 1