Kigali

Umusore witwa Ndege wari uzwiho udushya dutangaje turimo guhekenya urwembe agacira ifu ,kumira itabi rikagaruka ryaka yakiriye agakiza[AMAFOTO]

Udushya   Yanditswe na: Martin Munezero 1 March 2019 Yasuwe: 8221

Umusore witwa Ndege waruzwiho udushya dutangaje turimo guhekenya urwembe agacira ifu ,kumira itabi rikagaruka ryaka yakiriye agakiza kuri ubu agiye gutangira kubwiriza ubutumwa bw’Imana.

Umusore uzwi ku izina rya Ndege ni umwe mu basore bazwi mu duce tudandukanye two mu mujyi wa Kigali aho azwiho gukora udukoryo dutandukanye turimo imyitozo ngorora mubiri ndetse no kwigana bimwe mu bisimbi bitandukanye ,aho ashobora gukanja urwembe akarucira rwabaye ifu ndetse n’ibindi. Kuri ubu ntagikora kano kazi kuko ubu yamaze kwakira agakiza.

Mbere yo gukora buno bufindo yabanzaga kwivuga agira ati” Nitwa Karemera Gacinyundo umwana w’urupfu Mu gihe benshi bakeka ko ibyo akora abikoreshwa n’amadayimoni, avuga ko atari yo ahubwo ko ibyo akora ari ibyo yize aho yita kwa Carlos mu mujyi wa Kigali.

Ati “ubundi njyewe ntabwo ari amadayimoni, ubundi Imana ijya kunshyira ku Isi, yararebye iti ‘Mwana wanjye, aho kugirango uzibe, nguhaye ubumenyi bwo kugirango umenye siporo’, ni impano Imana iba yaranyihereye”.

Uyu musore ukunze kuba ari muri Gare ya Nyabugogo, akora ibintu benshi bafata nk’ibidasanzwe ku kiremwamuntu, akora amasiporo akavuga ko yihinduye nk’urupfu, ko yihinduye akanyamasyo, atamira itabi ryaka yarangiza akanywa inzoga, nyuma akaza kurigarura ricyaka kuri ubu ntakibikora kuko ubu yamaze kwakira agakiza aho asaba abantu kutazongera kumwita Ndege ahubwo ko ubu yitwa Nsengiyumva Edrissa.

Umuvugabutumwa witwa Niyomugabo Jean damascene uzwi nka Paster Jean usengera muri Pentecote Internation ku Kimisagara nyuma yo kuva mu itorero rya Zion Temple niwe wamukuye aho uyu musore yakoreraga Nyabugogo niko kumuhanurira ibyo Imana yamutumyeho niko kwakira agakiza yemera kuva mu mirimo yakoraga.

Pasiteri Jean avuga ko ari Imana yabikoze ati” Si njye wabikoze ahubwo ni Imana yamuntumyeho.”

Uko Ndege yamuvanye mubye:

Yamusanze Nyabugogo aho yakoreraga ubufindo bwe aho yari imbere y’umugore yifoye nk’intare bitera ubwoba umugore ariruka Pastor Jean niko kumwegera amubwira ko Imana imweretse ko akorana n’amadayimoni ndetse amusaba ko yakora ibyo akora ariko abinyujije mu mwuka wera… ngo uko yamwegeraga byatumye Ndege amubona akagira umushyitsi niko kumufata aramusengera nyuma abona arahindutse abantu bose bari Nyabugogo batangira kwibaza uburyo Ndege yakiriye agakiza […] Nyuma yo kumusengera Ndege yahise amusaba Bibiliya maze Pastor Jean niko gukora mu mufuka w’inyuma arayimuha Ndege niko kumushimira.

Ndege uko yasobanuye uko yakiriye gakiza:

Yansanze ndi Nyabugogo sinari namubonye nyuma yuko mvuye I Remera maze kunywa amacupa 4 y’urwagwa ariko yaransengeye mpita numva nakiriye agakiza ndetse numva nguwe neza mu mutima […]kubwanjye numvishe mpuye n’umuntu w’igitangaza mu buzima bwanjye.

Nyuma yuko Ndege bamusengeye yiyumvishe gute?

Mbere yuko ansengera nagendaga numva nsa nuwikoreye toni y’ibiro gusa nyuma yo kunsengera ndi ku mavi nahise numva nduhutse ndetse nahise mfata umwanzuro wo kutazongera kwishora muri kano kazi kuko nagakoreshwaga n’imyuka mibi ubu nzajya ntungwa n’ijambo ry’Imana.

Ese nihe yashyiraga amafaranga yakoreraga muri kano kazi ko kwerekana ubufindo?

Yavuze ko ayo yabonaga byaterwaga n’imikino abantu bashakaga ko abakorera irimo nko kwihindura akanyamasyo ,kumira itabi rikagaruka ryaka ndetse n’ibindi avuga ko aya mafaranga yayafataga akajya kuyanywamo inzoga rimwe ugasanga aguriye abasinzi asanze mu kabari bityo amafaranga ye yose akagenda muri ubwo buryo.

Nsengiyumva Edrissa w’imyaka 37 y’amavuko avuga ko avuka Mount Kigali ndetse kuva ubwo yamaze guhindura izina ndetse asaba abantu ko batazongera kumwita Ndege ndetse avuga ko umutima we yaweguriye Imana ko agiye kwamamaza ijambo ry’Imana.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble Pierre Célestin

    Nta muntu numwe unanira Imana mu gihe Imana ishaka ikora ibirenze into dutekereza kandi ikoresha abantu igakora ibidutangaza

    3 weeks ago

Inzindi nkuru

Umugore yafungiranye abana be babiri bato mu nzu ajya gusambana agarutse...

Umugore witwa Vladislava Trokhimchuk w’imyaka 23 ukomoka mu mujyi wa Kiev...
18 April 2019 Yasuwe: 4105 0

Byinshi wamenya ku muntu uri gushyira hanze abakinnyi b’abanyarwanda bambaye...

Abanyarwanda benshi bari mu rujijo rw’umuntu ukomeje gushyira hanze...
17 April 2019 Yasuwe: 12166 2

Umugore yafashe umugabo ari gusambanira n’undi mugore muri Hoteli abatwara...

Umugabo w’umucuruzi ukomeye witwa Gilbert Kanyenga w’ahitwa Kalingalinga muri...
16 April 2019 Yasuwe: 8068 0

Umukobwa wari urangije kaminuza yahanutse ku gasongero k’inyubako ndende...

Umukobwa witwa Sydney Paige Monfries yahanutse ku gasongero k’inyubako...
16 April 2019 Yasuwe: 5302 0

Impanga zitaravuka zagaragaye ziri guteranira ibipfunsi mu nda ya nyina...

Abana babiri b’impanga bakiri mu nda ya nyina bafotowe n’icyuma cyo kwa...
15 April 2019 Yasuwe: 4071 0

Umunyezamu Kimenyi Yves yaciye ibintu ku mbuga nkoranyambaga kubera...

Umunyezamu Kimenyi Yves wa APR FC n’Amavubi, yaciye ibintu ku mbuga...
15 April 2019 Yasuwe: 7501 2