Kigali

Uyu mukobwa yakoreye umugabo wamureze imyaka 27 igikorwa kidasanzwe cyakoze benshi ku mutima

Udushya   Yanditswe na: Martin Munezero 18 March 2019 Yasuwe: 8399

Umugore wo muri leta ya North Carolina muri Leta Zunze Ubumwe z’Amerika agiye gufashisha impyiko ye umugabo wamureze mu myaka 27 ishize arokore ubuzima bwe, mu gisa nk’inkuru itangaje ya ya mvugo ngo ineza yiturwa indi.

DeLauren McKnight avuga ko yatangajwe no kumenya ko impyiko ze zihuye n’iza Billy Houze wamubereye se, nubwo bwose nta sano y’amaraso bafitanye.

Mu mwaka wa 2016, ni bwo impyiko za Bwana Houze zatangiye kugira ikibazo. Nuko abaganga bamubwira ko mu gihe ataba atewemo indi mpyiko, atarenza imyaka itanu akiriho.

Nta n’umwe mu bandi bo mu muryango w’uyu mupasiteri w’imyaka 64 y’amavuko wari ufite impyiko zihuye n’ize.

Mu kiganiro Good Morning America cya televiziyo ABC cyo ku wa gatanu, Bwana Houze, se w’abana batanu, yavuze ko ashimishijwe cyane n’umukobwa we.

Yagize ati: “Yarambwiye ati, ‘Papa, wibwiraga ko uri kurokora ubuzima bwanjye igihe wankuraga mu kigo narererwagamo, ariko mu by’ukuri wari urimo kurokora ubuzima bwanjye kugira ngo nanjye nzarokore ubwawe nyuma yaho’”.

Uyu mupasiteri wo mu idini ry’ababatista yatangiye kugira ikibazo cy’impyiko kuva yabagwa agasabo k’indurwe mu mwaka wa 2016.

Bimaze kugaragara ko nta muntu wo muryango we bahuje impyiko, abaganga bamubwiye ko byatwara igihe cy’imyaka irindwi ngo ayibone.

Nuko, mu kwezi gushize kwa kabiri, bapima Madamu McKnight – Bwana Houze n’umugore we bareze mu mwaka wa 1992 – basanga impyiko zabo zihuye neza neza.

Ubwo Madamu McKnight yamubwiraga iyo nkuru atari yiteze, Madamu McKnight yavuze ko se yahise aturika ararira kubera ibyishimo.

Yabwiye ikiganiro Good Morning America ati: “Mwita umugabo w’akataraboneka. Nta kintu na kimwe kuri iyi si ntamukorera kugira ngo aryoherwe n’ubuzima ngo akomeze kumba inyuma”.

Biteganyijwe ko Bwana Houze na Madamu McKnight babagwa mu byumweru biri imbere kugira ngo bahane impyiko.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble umuda@yahoo.fr

    gira so yiturwa indi,gira neza wigendere ineza uzayisanga imbere

    5 months ago

Inzindi nkuru

Umurobyi w’umugore yarobye ifi ifite iminwa ibiri igerekeranye...

Uyu mugore yaciye ibintu ku isi nyuma yo gushyira hanze amafoto y’iyi fi...
22 August 2019 Yasuwe: 5276 0

Uwatashyaga inkwi zo gucana yaguye ku butumwa bwari bumaze imyaka 50 mu...

Umugabo wo muri Alaska wari urimo gutashya inkwi yaguye ku butumwa bwari...
20 August 2019 Yasuwe: 8449 0

Umugabo yafatiwe mu cyuho ari gukorakora umugore w’umusirikare muri bisi...

Umugabo w’umunya Nigeria yaciye ibintu ku mbuga nkoranyambaga kubera...
19 August 2019 Yasuwe: 7354 2

Umugabo ukina n’inzoka n’undi ukina n’impyisi bateye benshi ubwoba[AMAFOTO]

Ubwoba ni kimwe mu bintu bituma umuntu atakwegera ikintu cyangwa ikiremwa...
19 August 2019 Yasuwe: 6254 1

Umwongereza n’umukunzi we bahanutse kuri Etaje barangirika cyane ubwo barimo...

Umwongereza w’imyaka 30 n’umukunzi we bahuye n’uruva gusenya ubwo barimo...
19 August 2019 Yasuwe: 3837 0

Umugore yahanutse ku manga ubwo yageragezaga kwifata Selfie ahagaze hejuru...

Umugore w’imyaka 27 yahuye n’uruva gusenya ubwo yarimo yifatira aga selfie...
18 August 2019 Yasuwe: 3967 0